بقو پوليتسيا دەپارتامەنتى ءباسپاسوز قىزمەتىنىڭ جەتەكشى مامانى ءمولدىر سادىرعاليەۆانىڭ مالىمەتىنشە, وقيعا 1 شىلدە كۇنى ساعات 21.00-دە جاڭاقالا اۋدانى اۋماعىندا بولدى.
چاپاەۆ-جاڭاقالا-سايقىن جولىندا جولقۇدىق ەلدى مەكەنى تۇسىندا 1987 جىلعى جۇرگىزۋشى «لادا گرانتا» اۆتوكولىگىمەن قارسى بەتكە شىعىپ كەتكەن. سونىڭ سالدارىنان 1993 جىلعى جۇرگىزۋشى ايداپ كەلە جاتقان «ۆاز-2107» اۆتوكولىگىمەن بەتپە-بەت سوقتىعىسقان.
جول اپاتىنان 4 ادام قازا تاپتى, سونىڭ بىرەۋى – 7 جاسار بالا. جاڭاقالا اۋداندىق ورتالىق اۋرۋحاناسىنا 8 ادام جاتقىزىلدى, سونىڭ التاۋى – كامەلەتكە تولماعاندار.
قازىرگى كەزدە وسى وقيعا بويىنشا قر قك 345-بابى 4-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە.
