«جامبىل اۋدانىنىڭ پوليتسياسىنا گازەلدىڭ اۋداندىق ەلەكتر ستانتسياسىنىڭ قورشاۋىنا سوعىلعانى تۋرالى حابارلاما كەلىپ ءتۇستى. وقيعا ورنىنا كەلگەن ءتارتىپ ساقشىلارى كولىكتى 41 جاستاعى جەرگىلىكتى تۇرعىننىڭ جۇرگىزگەنىن انىقتادى. مەديتسينالىق كۋالاندىرۋ ونىڭ ماس كۇيدە بولعانىن كورسەتتى. ونىڭ بۇرىن اۆتوكولىكتى باسقارۋ قۇقىعىنان ايىرىلعانى دا انىقتالدى. سونىمەن قاتار كولىك جۇمىس بەرۋشىنىڭ اتىنا تيەسىلى ەكەنى بەلگىلى بولدى», دەپ جازدى Polisia.kz.
اتالعان فاكتىلەر قر قىلمىستىق كودەكسىنىڭ ەكى بابى: اۆتوكولىكتى ماس كۇيىندە باسقارعانى ءۇشىن, باسقارۋ قۇقىعىنان ايىرىلعانى ءۇشىن جانە اۆتوكولىكتى زاڭسىز يەمدەنگەنى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە ەنگىزىلدى. قازىرگى ۋاقىتتا ايىپتالۋشى قاماۋعا الىنعان.
اۆتوكولىك تاركىلەنىپ, تەرگەۋ ارەكەتتەرى اياقتالعاننان كەيىن يەسىنە قايتارىلادى.
