ايماقتار • 01 شىلدە، 2021

بالقاش كولىنە قاۋىپ ءتونىپ تۇر ما؟

118 رەت كورسەتىلدى

كولدىڭ تۇراقتى دەڭگەيدە ساقتالۋىنا (بالتىق جۇيەسىنىڭ 341 م بەلگىسىنەن تومەن ەمەس) جىل سايىن وعان 12 ملرد م3 سۋ اعىنىنىڭ قۇيىلۋىمەن كەپىلدىك بەرىلەدى. بۇل رەتتە اعىننىڭ 70%-ى ترانسشەكارالىق ىلە وزەنى ارقىلى كەلەدى، دەپ حابارلايدى Egemen.kz.

گيدرولوگيالىق دەرەكتەردى تالداۋ كورسەتكەندەي، ىلە وزەنىنىڭ اعىسى 2001 جىلدان 2020 جىلعا دەيىن 13،8 ملرد م3 قۇرادى. كولگە جىل سايىن شامامەن 20 ملرد م3 سۋ اعىنى قۇيىلادى، ىلەدەن كەيىنگى ەڭ ءىرى وزەندەر - قاراتال، اقسۋ، لەپسى، اياگوز وزەندەرى.

مەملەكەت باسشىسى ق.ك. توقاەۆتىڭ تاپسىرماسىنا سايكەس الماتى وبلىسىنىڭ اكىمدىگى جانە باسقا دا ۋاكىلەتتى مەملەكەتتىك ورگاندارمەن بىرلەسىپ بالقاش كولىن ساقتاۋ بويىنشا ارنايى جوسپار ازىرلەندى. جوسپاردا ونەركاسىپتىك كاسىپورىنداردىڭ زياندى توگىندىلەرىن قىسقارتۋ، ىلە وزەنى اعىندارىنداعى تازارتۋ جانە ءتۇبىن تەرەڭدەتۋ جۇمىستارى، يرريگاتسيالىق جانە درەناجدىق جۇيەلەردى قايتا قۇرۋ جانە سۋدى ۇنەمدەۋ ءۇشىن ىلە وزەنى باسسەينىندە گيدرومەليوراتيۆتىك جۇيەلەردى قايتا جاڭارتۋ جانە سۋارۋدىڭ زاماناۋي تەحنولوگيالارىن ەنگىزۋ، ىلە وزەنى اعىنىنىڭ اۋىتقۋىن ازايتۋ ءۇشىن قاپشاعاي سۋ ەلەكتر ستانتسياسىنىڭ كەربۇلاق كونتررەتتەگىشىن سالۋ جونىندەگى ءىس-شارالار كوزدەلگەن.

بۇل ءىس-شارالار ازىرلەنىپ جاتقان سۋ رەسۋرستارىن باسقارۋ جونىندەگى ۇلتتىق جوبا شەڭبەرىندە ىسكە اسىرىلاتىن بولادى.

سونداي-اق بالقاش كولىنىڭ ەكولوگيالىق جاي-كۇيىن جاقسارتۋ ماقساتىندا جانە ىلە وزەن اتىراۋلارىنداعى بالىق قورلارىنىڭ ونىمدىلىگىن قالپىنا كەلتىرۋ جانە ودان ءارى مولايتۋ ءۇشىن 2006 جىلدان باستاپ جىل سايىن الماتى وبلىسىنىڭ اكىمدىگى كول اتىراۋىنداعى ارنالاردى كەڭەيتۋدى جانە تەرەڭدەتۋدى جۇرگىزۋدە.

2020 جىلى بالقاشقا قۇياتىن ارنالاردى مەحانيكالىق تازالاۋ جانە تەرەڭدەتۋ بويىنشا 5 جوبا ىسكە اسىرىلدى. بيىل ىلە وزەنى سۋىنىڭ كولگە قۇيۋىن ارتتىرۋ ءۇشىن 4 نىسان بويىنشا جۇمىستار جۇرگىزىلۋدە. 2022 جىلى 4 جوبانى ىسكە اسىرۋ جوسپارلانۋدا.

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار