ۆەدومستۆونىڭ مالىمەتىنشە, بيىلعى جىلعى ماۋسىمنىڭ 29-دا اتباسار اۋداندىق پب كەزەكشى بولىمىنە ۋچاسكەلىك پوليتسيا ينسپەكتورى حابارلاسىپ, 40 جاستاعى جەرگىلىكتى تۇرعىندى ۇستاعانىن ايتقان.
«انىقتالعانداي, وقيعا بولعان كۇنى قاسكۇنەم ۇيگە ماس كۇيىندە كەلگەن, ول جانجال كەزىندە 65 جاستاعى اناسىن بىرنەشە رەت جۇدىرىقپەن ۇرىپ قالعان. سوققىدان كەيىن اناسى كەنەتتەن كوز جۇمعان. سوت-مەديتسينالىق ساراپتامانىڭ قورىتىندىسى بويىنشا ايەل باسسۇيەك-مي جاراقاتى سالدارىنان كوز جۇمعان», دەدى ۆەدومستۆودان.
قازىرگى كەزدە وسى وقيعاعا بايلانىستى قىلمىستىق كودەكستىڭ 106 بابىنىڭ 3-ءشى بولىگى «دەنساۋلىققا قاساقانا اۋىر زيان كەلتىرۋ» بويىنشا سوتقا دەيىنگى ءىس قوزعالدى.
كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسى تاڭدالدى.
