قازاقستان • 01 شىلدە، 2021

قازاقستاندىقتار مامىر ايىندا 1800-دەن استام قۇيما التىن ساتىپ الدى

44 رەت كورسەتىلدى

2021 جىلدىڭ مامىر ايىندا قازاقستاندىقتار ەكىنشى دەڭگەيءلى بانكتەر مەن جەكەلەگەن بانكتىك ەمەس ايىرباستاۋ پۋنكتتەرىنەن جالپى سالماعى 60،7 كگ 1 813 قۇيما ساتىپ الدى، دەپ حابارلايدى Egemen.kz.

حالىققا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن (بۇدان ءارى – باعدارلاما) ۇلتتىق بانك 2017 جىلى ىسكە قوسقان بولاتىن. باعدارلاما جۇزەگە اسقالى جالپى سالماعى 1،95 توننا 54 780 التىن قۇيما ساتىلدى.

التىن قۇيمالاردىڭ بەس ءتۇرى ۇسىنىلادى: 5، 10، 20، 50 جانە 100 گ. ساتىپ الۋشىلار اراسىندا ەڭ كوپ سۇرانىسقا يە بولعانى – 10 گرامدىق قۇيما. ونىڭ جالپى ساتىلىمداعى ۇلەسى 30% 16 630 دانا. ودان كەيىن 100 گرامدىق قۇيما 12 128 دانا (22%) جانە 20 گرامدىق قۇيما – 11 430 دانا (21%)، 5 گرامدىق قۇيما 8 650 دانا (16%)، 50 گرامدىق قۇيما 5 942 دانا (11%). نەگىزىنەن، ولشەنگەن قۇيمالار الماتى، نۇر-سۇلتان جانە اتىراۋ قالالارىندا سۇرانىسقا يە.

التىن قۇيمالار سەنىمدى ينۆەستيتسيالىق قۇرال بولا الادى. بانكتەر مەن بانكتىك ەمەس ايىرباستاۋ پۋنكتتەرىنءىڭ كليەنتكە اقشاسىن تولەپ، قۇيمالاردى «كۇنبە-كۇن» ساتىپ الا الاتىن مۇمكىندىگى – التىن قۇيمالار نارىعىنىڭ وتىمدىلىگىن قامتاماسىز ەتۋدە نەگىزگى فاكتورعا اينالىپ وتىر. باعدارلاما ىسكە قوسىلعان ۋاقىتتان بەرى جالپى سالماعى 5،8 كگ  ولشەنگەن 177 قۇيما عانا كەرى ساتىپ الۋعا قابىلداندى. بۇل، ارينە، التىن قۇيمالاردىڭ ۇزاق مەرزىمدى ينۆەستيتسيالاۋ مەن جيناقتاۋ قۇرالى بولىپ تابىلاتىنىنا بايلانىستى.

ءار قۇيما قورعانىس ەلەمەنتتەرىمەن (قۇيمالاردىڭ اينا بەتى، ميكروتەكست جانە رەلەفتىڭ شەتى)، قۇيمالاردى مەحانيكالىق زاقىمدانۋدان قورعايتىن جانە پاكەتتىڭ اشىلعان-اشىلماعانىن تەكسەرۋدى جەڭىلدەتەتىن ارنايى قاپتامامەن شىعارىلادى. قورعانىس قاپتاماسى، سونىمەن قاتار، قۇيمانىڭ ساپا سەرتيفيكاتى بولا الادى. سوندىقتان قۇيمانى ساقتاعاندا مۇقيات بولىپ، ورامانى اشپاعان ءجون.

قازىرگى ۋاقىتتا التىن قۇيمالاردى Halyk Bank-تە، ەۋرازيالىق بانكتە، Jusan Bank-تە، بانك تسەنتركرەديتتە، سونداي-اق بانكتىك ەمەس ايىرباستاۋ پۋنكتتەرىندە ساتىپ الۋعا جانە ساتۋعا بولادى.

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار