توقسانباي تاۋىنداعى لاي كوشكىنى

قىستا تاۋلى ايماقتاردا قار­دىڭ مول ءتۇسۋىنىڭ ناتيجەسىندە ءالى كۇنگە جول جاعالاۋلارىنداعى “قى­زىل سۋلار” بەي-بەرەكەت اعۋدا. قار كوبەسى سوگىلگەن سايىن تاۋلى ءوڭىر­لە­ر­دەگى قاۋىپتى جاعداي جيىلەي تۇسۋدە. كەربۇلاق اۋدانىنىڭ تاۋلى ايماعىندا وسىنداي تابيعاتتىڭ توسىن مىنەزى بايقالدى. اۋداننىڭ چەرەمۋشكينا ەلدى مەكەنىنە جاقىن جەردە لاي كوشكىنى ورىن الىپ, ۇزىندىعى – 300, ەنى 200 مەتر جەر وپىرىلىپ تۇسكەن. بۇل تەڭىز دەڭگەيىنەن 2 مىڭ مەتر بيىكتىكتەگى “توقسانباي تاۋى” دەپ اتالاتىن جوتادا بولدى. كادىمگى جار وپى­رى­لىپ, لاي كوشكىنىنەن سىرعىپ تۇسكەن توپىراقتىڭ كولەمى 140 مىڭ تەكشە مەتردى قۇراعان. بيىكتە ءبىر-بىرىنە ۇقساس جارىق­تار پايدا بولىپ, لاي توپىراق شات­­قال­عا قۇلاعان. جان-جاقتان جينالعان سۋ مەن لاي ەتەكتەگى ەلدى مەكەنگە قاۋىپ ءتوندىرۋى مۇمكىن بولعاندىقتان, چەرەمۋش­كينا ەلدى مەكەنىندەگى شارۋا قوجا­لىعىمەن اينالىسقان بەس ۇيدەگى 22 تۇرعىن مال-جانىمەن تۇگەلدەي قاۋىپسىز ايماققا كوشىرىلدى. قازىر مۇندا كەزەكشىلىك ۇيىم­داستىرىلىپ, جاعداي ءجىتى قاداعا­لانۋدا. وبلىستىق توتەنشە جاع­داي­لار دەپارتامەنتى ماماندارى­نىڭ حابارلاۋىنشا ورىن العان لاي كوشكىنىنە بايلانىستى دەپار­تامەنت جانە سەلدەن قورعاۋ مەكە­مە­سىنىڭ قىزمەتكەرلەرى جاعدايدى زەرتتەپ, قاۋىپتىڭ الدىن الۋ شارا­لارىن جۇرگىزىپ, قاجەتتى تەحنيكا­لار جەتكىزىلگەنىن جانە ەلدى مەكەن تولىق قاۋىپسىز ايماقتارعا كوشى­رىل­گەنىن ايتادى. جەر-انانىڭ توسىن سىرىنىڭ نەدەن ەكەنى ازىرگە بەيمالىم. كۇمىسجان بايجان, الماتى وبلىسى.