قالا اكىمىنىڭ ايتۋىنشا, قۇرىلىستىڭ قارقىندى جۇمىسى قاراجاتتىڭ تۇسۋىنە قاراي جالعاساتىن بولادى.
ء«يا, قازىر LRT-دەگى جۇمىستار قايتا جانداندى. كەلىسىمشارتتاردا كورسەتىلگەن بۇرىنعى شارتتار ءالى دە ءوز كۇشىندە. شارتتىق مىندەتتەمەلەرگە سايكەس جۇمىس جۇرگىزىلۋدە. بىراق قۇرىلىس جۇمىستارى بەلسەندى دەپ ايتا المايمىن. بەلسەندى جۇمىس قاراجاتتىڭ تۇسۋىنە قاراي جالعاساتىن بولادى», دەدى كولگىنوۆ.
اكىمنىڭ ايتۋىنشا, قازىرگى جۇمىس قولدا بار اقشاعا باستالىپ وتىر. ال LRT-نى تولىعىمەن اياقتاۋ ءۇشىن قوسىمشا 1 ميلليارد دوللار قاجەت.
«باس كەزىندە 2,6 ميلليارد دوللار بولعان. ءبىز ول سومانى 800 ميلليونعا ازايتتىق, بىلايشا, اقشانى ۇنەمدەدىك. ەندى, ۆاگون مەن رەلستەر, جالپى, بارلىق ينفراقۇرىلىمدى اياقتاۋ ءۇشىن شامامەن 1 ميلليارد دوللار كەرەك بولىپ تۇر», دەيدى كولگىنوۆ.
ايتا كەتسەك, ەلوردادا LRT جەڭىل رەلستى كولىگىن قۇرۋ تۋرالى شەشىم 2005 جىلى قابىلدانعان. قۇرىلىستىڭ باستالۋىنا وراي العاشقى كاپسۋلانى ەلباسى نۇرسۇلتان نازارباەۆ 2011 جىلى سالعان بولاتىن.
جوبانىڭ بارلىق شىعىندارىنا قاراماستان, اكىمدىك قۇرىلىستى اياقتاۋدى جوسپارلاپ وتىرعانىن بۇعان دەيىن دە مالىمدەگەن.
جۋىردا باعانداردىڭ جانىندا قۇرىلىس جۇمىستارىنىڭ جاندانا باستاعانى بايقالدى. City Transportation Systems (CTS) وكىلدەرىنىڭ ايتۋىنشا, مەردىگەر ۇيىم - قىتايلىق CRAIG كونسورتسيۋمى قازىرگى ۋاقىتتا دايىندىق جۇمىستارىن جۇرگىزۋدە.
بوتاگوز امالبەك
