«قازگيدرومەت» رمك دەرەكتەرى بويىنشا, نۇر-سۇلتان قالاسىندا 1-2 شىلدەدە كۇندىز 35-37 گرادۋس اپتاپ ىستىق بولادى.
الماتى قالاسىندا 30 ماۋسىم كۇنى كۇندىز 33-35 گرادۋس قاتتى ىستىق كۇتىلەدى.
شىمكەنت قالاسىندا 30 ماۋسىم-2 شىلدە ارالىعىندا 40 گرادۋسقا دەيىن كوتەرىلەدى.
تۇركىستان قالاسىندا 30 ماۋسىم-2 شىلدە ارالىعىندا 40-42 گرادۋسقا كوتەرىلەدى.
30 ماۋسىمدا باتىس قازاقستان وبلىسىنىڭ كەي جەرلەرىندە نايزاعاي, بۇرشاق جاۋى ىقتيمال. كۇندىز 35-39 گرادۋسقا دەيىن وتە قاتتى ىستىق كۇتىلەدى. جەل وڭتۇستىكتەن, وڭتۇستىك-باتىستان سوعادى, كەي جەرلەردە جەلدىڭ ەكپىنى سەكۋندىنا 15-20 مەترگە جەتەدى. كەي جەرلەردە وتە جوعارى ءورت قاۋپى ساقتالادى. ورال قالاسىندا كۇندىز 30 ماۋسىمدا نايزاعاي, بۇرشاق, 36 گرادۋس قاتتى ىستىق كۇتىلەدى. جەل وڭتۇستىكتەن, وڭتۇستىك-باتىستان سوعادى, جەلدىڭ ەكپىنى سەكۋندىنا18 مەتر بولۋى ىقتيمال.
30 ماۋسىمدا كۇندىز اقتوبە وبلىسىنىڭ كەي جەرلەرىندە نايزاعاي وينايدى, ونتۇستىك-شىعىستان, شىعىستان جەل سوعادى, نايزاعاي كەزىندە جەلدىڭ ەكپىنى سەكۋندىنا 18 مەتر بولۋى ىقتيمال. وتە جوعارى ءورت قاۋپى ساقتالادى.
30 ماۋسىمدا اتىراۋ وبلىسىنىڭ كەي جەرلەرىندە نايزاعاي, شاڭدى داۋىل كۇتىلەدى. سولتۇستىك-باتىستان جەل سوعادى, كۇندىز نايزاعاي كەزىندە جەلدىڭ ەكپىنى سەكۋندىنا 15-20 مەترگە جەتۋى ىقتيمال.
30 ماۋسىمدا كۇندىز قاراعاندى وبلىسىنىڭ كەي جەرلەرىندە 35-38 گرادۋس ىستىق بولادى. كەي جەرلەردە وتە جوعارى ءورت كاۋپى ساقتالادى. قاراعاندى قالاسىندا كۇندىز 1 - 2 شىلدەدە 35-37 گرادۋس قاتتى ىستىق كۇتىلەدى. جەزقازعان قالاسىندا كۇندىز 30 ماۋسىمدا - 2 شىلدەدە 36-38 گرادۋس قاتتى ىستىق كۇتىلەدى.
قوستاناي وبلىسىندا كۇندىز 30 ماۋسىم-1 شىلدە ارالىعىندا كەي جەرلەردە 40 گرادۋس قاتتى ىستىق, ءورت قاۋپى بار.
سولتۇستىك قازاقستان وبلىسى پەتروپاۆل قالاسىندا كۇندىز 30 ماۋسىمدا 35 گرادۋس ىستىق, 1-2 شىلدەدە كۇندىز 35-37 گرادۋسقا جەتەدى, وتە جوعارى ءورت قاۋپى كۇتىلەدى.
كۇندىز 29-30 ماۋسىمدا, 1 شىلدەدە الماتى وبلىسىندا كەي جەرلەرىندە 35-38 گرادۋس قاتتى ىستىق كۇتىلەدى, ءورت قاۋپى ساقتالادى.
30 ماۋسىمدا كۇندىز قىزىلوردا وبلىسىندا 40-44 گرادۋس قاتتى ىستىق جانە وتە جوعارى ءورت قاۋپى بار. قىزىلوردا قالاسىندا 30 ماۋسىمدا كۇندىز 41-43 گرادۋس قاتتى ىستىق ساقتالادى.
جامبىل وبلىسىندا كۇندىز 30 ماۋسىم تاۋلى جانە تاۋ بوكتەرىندەگى اۋدانداردا نايزاعاي, بۇرشاق, سولتۇستىك-شىعىستان جەل سوعادى, كەي جەرلەردە جەلدىڭ ەكپىنى سەكۋندىنا 15-20 مەترگە جەتۋى ىقتيمال. 30 ماۋسىم كۇنى كۇندىز وبلىستىڭ باسىم بولىگىندە 38 گرادۋسقا دەيىن قاتتى ىستىق, ءورت قاۋپى كۇتىلەدى. تاراز قالاسىندا 30 ماۋسىم كۇنى كۇندىز سولتۇستىك-شىعىستان جەل سوعادى, جەلدىڭ ەكپىنى سەكۋندىنا15-20 مەترگە جەتۋى مۇمكىن.
كوكشەتاۋ قالاسىندا 1-2 شىلدەدە كۇندىز 35-37 گرادۋس ىستىق كۇتىلەدى.
توتەنشە جاعدايلار مينيسترلىگى ىستىقتان ساقتانۋ ءۇشىن ازاماتتاردى اسا قاجەتتىلىك بولماعان جاعدايدا دالاعا شىقپاۋعا كەڭەس بەرەدى, سونداي-اق:
- اعزانى سۋسىزدانۋدان قورعاۋ ءۇشىن كوپ سۋ, كۇنىنە كەمىندە 1,5-3 ليتر سۇيىقتىق ءىشۋ كەرەك;
- اپتاپ ىستىقتا كەز كەلگەن فيزيكالىق بەلسەندىلىكتەن باس تارتۋ قاجەت;
- كۇندىز كۇن ساۋلەسى بولمەگە كىرمەۋى ءۇشىن تەرەزەلەردى اشىق رەڭكتى پەردەلەرمەن جابۋ كەرەك;
- كۇن وتپەس ءۇشىن باس كيىم, اشىق اۋا وتكىزبەيتىن كيىم (ماقتادان جاسالعان) كيىڭىز. ىستىق اۋا رايىندا بالالار ەرەكشە نازاردا بولۋى ءتيىس.
