سەنات توراعاسى كەزدەسۋدى اشا كەلىپ, تاتۋ كورشىلىك, تاريحي ورتاق تامىرلاستىق, ءتىل مەن مادەنيەت عاسىرلار بويى قازاق جانە قىرعىز حالىقتارىن باۋىرلاستىق پەن دوستىق قاتىناستارمەن بايلانىستىرىپ كەلە جاتقانىن اتاپ ءوتتى.
قازىرگى ۋاقىتتا قىرعىزستان قازاقستاننىڭ ماڭىزدى ستراتەگيالىق ارىپتەستەرىنىڭ ءبىرى بولىپ وتىر. ماۋلەن اشىمباەۆ پارلامەنتتىك ءوزارا ءىس-قيمىل قازاق-قىرعىز قاتىناستارىن نىعايتۋ فاكتورلارىنىڭ ءبىرى بولىپ سانالاتىنىن اتاپ ءوتتى.
م. اشىمباەۆ پەن ج. كۋلۋباەۆ پارلامەنتارالىق, الەۋمەتتىك-مادەني, ساۋدا-ەكونوميكالىق ءوزارا ءىس-قيمىل بويىنشا ەكىجاقتى ىنتىماقتاستىقتىڭ اۋقىمدى ماسەلەلەرىن تالقىلادى.
«وسى جىلدىڭ كۇزىندە قىرعىزستاندا سايلاۋ وتەتىنى جانە جوگوركۋ كەنەشتىڭ جاڭا قۇرامى قالىپتاساتىنى بەلگىلى. پارلامەنتتىك بايلانىستارداعى ىنتىماقتاستىققا ودان ءارى قارقىن بەرۋ ماڭىزدى دەپ سانايمىن. ەكى ەلدىڭ ءوزارا قارىم-قاتىناسىن دامىتۋعا پارلامەنتتەر ىقپال ەتە الاتىن بىرقاتار ماسەلەلەر بار. وسىعان بايلانىستى پارلامەنتارالىق قىزمەتتى ودان ءارى ارتتىرۋدىڭ ماڭىزى زور», دەپ اتاپ ءوتتى ماۋلەن اشىمباەۆ.
