مەملەكەت باسشىسىنىڭ ءباسپاسوز حاتشىسى بەرىك ءۋالي Facebook پاراقشاسىندا پرەزيدەنت بەرگەن تاپسىرمالاردىڭ ورىندالعانى تۋرالى كەزەكتى مالىمەت جاريالادى. 2020 جىلعى حالىققا جولداۋىندا قاسىم-جومارت توقاەۆ بيرجاداعى ساۋدا-ساتتىقتىڭ ەل ەكونوميكاسىنداعى رولىنە توقتالعان بولاتىن.
«بيرجاداعى ساۋدا-ساتتىقتى تارتىپكە كەلتىرۋ كەرەك. بۇل ەڭ الدىمەن مۇناي ونىمدەرى, ەلەكتر ەنەرگياسى, كومىر ساۋداسىنا قاتىستى. بۇل سالاداعى ءىرى كومپانيالاردىڭ كوزبوياۋشىلىعىنا جول بەرۋگە بولمايدى», دەگەن بولاتىن پرەزيدەنت.
بەرىك ءۋاليدىڭ مالىمەتىنشە, سول تاپسىرما اياسىندا ۆەدومستۆوارالىق كونسۋلتاتيۆتىك-كەڭەسشى ورگان – بيرجا كوميتەتى قۇرىلعان.
«نارىق قاتىسۋشىلارى بيرجالىق ساۋداعا كەدەرگىسىز كىرۋ ءۇشىن اۋقىمدى تۇردە وقىتىلۋدا. بيرجالىق تاۋارلار تىزىمىنە مۇناي ونىمدەرىنىڭ توبى, سونىڭ ىشىندە بيتۋم ەنگىزىلدى», دەپ جازىلعان ينفوگرافيكادا.
پرەزيدەنتتىڭ ءباسپاسوز حاتشىسى بيىل 31 ناۋرىزدا بەنزين مەن بيتۋم بيرجالىق ساۋداعا شىعارىلعانىن ەسكە الادى.
«24 مامىردا كومىردىڭ قولجەتىمدى شاعىن پارتيالارى وڭىرلىك وپەراتورلارعا ساتىلا باستادى. 16 ماۋسىمدا تاۋار بيرجالارىنا, بيرجالىق جانە بيرجادان تىس باعا بەلگىلەنىمدەرىنە مونيتورينگ جۇرگىزەتىن احۋالدىق ورتالىق ىسكە قوسىلدى», دەپ جازىلعان مالىمەتتە.
