الەم • 29 ماۋسىم، 2021

عالىمدار كوروناۆيرۋستى انىقتايتىن ماسكا ويلاپ تاپتى

88 رەت كورسەتىلدى

امەريكالىق عالىمدار ادامنىڭ كوروناۆيرۋس جۇقتىرىپ-جۇقتىرماعانىن انىقتاۋعا مۇمكىندىك بەرەتىن بەتپەردە جاساپ شىعاردى، دەپ حابارلايدى Egemen.kz.

ەرەكشە ماسكانى ماسساچۋسەتس تەحنولوگيا ينستيتۋتى مەن گارۆارد ۋنيۆەرسيتەتىنىڭ ماماندارى ويلاپ تاپتى.

جاڭا بەتپەردە ادامنىڭ Covid-19-بەن اۋىراتىنىن 90 مينۋت ىشىندە انىقتايدى.

ۆيرۋستى تابۋعا ماسكانىڭ ىشكى جاعىنا تىگىلگەن كىشكەنتاي ءبىر رەتتىك داتچيك كومەكتەسەدى. قۇپيالىقتى ساقتاۋ ماقساتىندا تەست ناتيجەسى بەتپەردەنى تاققان ادامعا عانا كورىنەدى.  

عالىمدار داتچيكتەردى تەك ماسكاعا عانا ەمەس، كيىمگە، ماسەلەن زەرتحانالىق حالاتتارعا ورنالاستىرۋعا بولاتىنىن ايتادى.

ماماندار بۇل داتچيكتەردى بىرنەشە جىل بۇرىن دايىنداي باستاعان. بۇعان دەيىن قۇرىلعىلار ەبولا مەن زيكا ۆيرۋستارىن انىقتاۋ ءۇشىن قولدانىلعان.

سونىمەن قاتار داتچيكتى باسقا دا ۆيرۋستاردى تابۋ ءۇشىن پايدالانۋعا بولادى.

 

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار