مەملەكەت باسشىسى Türksat 5A بەسىنشى بۋىن تەلەكوممۋنيكاتسيالىق جەر سەرىگى ءوزىنىڭ وربيتاعا 2021 جىلى 4 مامىردا جەتكەنىن جانە گەوسينحروندى وربيتادا (31 گرادۋس شىعىس بويلىق) پوزيتسياعا يە بولعانىن ەسكە ءتۇسىردى. 28 ماۋسىمدا جەر سەرىگى Ku-دياپازونىندا جۇمىس ىستەي باستادى.
زاماناۋي تەحنولوگيالاردىڭ كومەگىمەن جەر سەرىگىنىڭ وربيتادا ءجۇرۋ ۇزاقتىعى 30 جىلدان اسادى. سپۋتنيكتىك قامتۋ ايماعى - تۇركيا, ەۋروپا, تاياۋ شىعىس, سولتۇستىك, ورتالىق جانە وڭتۇستىك افريكا, سونداي-اق جەرورتا, ەگەي جانە قارا تەڭىز.
«تۇركيا بولاشاقتا نەگىزگى قاۋىپ-قاتەرلەر عارىش كەڭىستىگىنەن - كيبەركەڭىستىكتەن تۋىندايتىنىن تۇسىنۋگە نەگىزدەلگەن ساياسات قۇرۋدا. سوندىقتان ءبىز مىقتى كيبەر قورعانىس مەحانيزمىن قالىپتاستىرامىز», دەدى تۇرىك كوشباسشىسى.
ايتا كەتەيىك, Türksat 5B ۇشىرىلىمى 2021 جىلدىڭ اياعىنا جوسپارلانعان. سونداي-اق تۇركيا پرەزيدەنتى وتاندىق بايلانىس سپۋتنيگى Türksat 6A سىناقتان ءوتىپ جاتقانىن جانە ونىڭ ۇشىرىلۋى 2022 جىلعا جوسپارلانعانىن اتاپ ءوتتى. Türksat 6A تۇركيانى سپۋتنيك وندىرەتىن 10 ەلدىڭ قاتارىنا قوساتىن بولادى.
