ج.دوسمۇحامەدوۆ اتىنداعى ولەڭتى ورتا مەكتەبىندە وبلىس جاستارى باس قوسىپ, كەڭەس وداعىنىڭ باتىرى باۋىرجان مومىش ۇلىنىڭ 100 جىلدىعىنا ارنالعان شارا وتكىزدى.
“سىرىم جاستارى” جاستار قوعامدىق بىرلەستىگى مەن “جاس وتان” جاستار قاناتىنىڭ اۋداندىق بولىمشەسى ۇيىمداستىرعان “ورلىكپەن ورىلگەن ءومىر” اتتى وبلىستىق عىلىمي-تاجىريبەلىك كونفەرەنتسيا بارىسىندا ءۇش اي بويى جيناقتالعان جاستار جۇمىستارىنىڭ قورىتىندىلارى شىعارىلدى. “باۋىرجان مومىش ۇلى تۇلعاسىنىڭ ادەبيەتتە بەينەلەنۋى”, “باۋىرجان مومىش ۇلى – ەلشىل ەر, ۇلتجاندى تۇلعا, قىران قايراتكەر”, “باۋىرجان مومىش ۇلىنىڭ جازۋشىلىق قىرى” اتالىمدارى بويىنشا ۇزدىكتەر انىقتالىپ, ولار ديپلومدارمەن, اقشالاي سىيلىقتارمەن ماراپاتتالدى. سامارا قالاسىنان كەلگەن زويا ءاسىموۆا مايدان جىلدارىندا قازاقستاندا قۇرىلعان №100 جانە 101-بريگادا ساربازدارىنىڭ تاعدىرىنا قاتىستى ءۇش جىلدان بەرى جۇرگىزىپ كەلە جاتقان جۇمىسىنىڭ ناتيجەسىمەن, الداعى جوسپارلارىمەن تانىستىردى. باۋىرجان مومىش ۇلى تۋرالى “اقيقات پەن اڭىز” اتتى رومان جازعان ءازىلحان نۇرشايىقوۆپەن ۇيالى تەلەفونمەن بايلانىسقا شىعۋ ارقىلى مايدانگەر جازۋشى جاستارعا يگى تىلەگىن جەتكىزدى. تەمىر قۇسايىن, باتىس قازاقستان وبلىسى, سىرىم اۋدانى.
