اتالعان تۋرداعى باستى ويىننىڭ ءبىرى قوستاناي قالاسىندا وتكىزىلدى. جەرگىلىكتى «توبىل» ءوز الاڭىندا الماتىنىڭ «قايرات» كومانداسىن قابىلدادى.
ەكى كوماندا دا بيىل باس جۇلدەدەن ۇمىتكەر سانالادى. سوندىقتان بۇگىنگى كەزدەسۋدە ەكەۋىنىڭ ءبىرى جەڭىسكە جەتسە چەمپيون اتاعىن جەڭىپ الۋىنا مۇمكىندىگىن ارتتىرار ەدى.
ويىن بارىسىندا قوس ۇجىم تارتىستى باسەكە كورسەتتى. الدىمەن الماتىلىق ارتۋر شۋشەناچەۆ 23-مينۋتتا ەسەپ اشتى. ەكىنشى كەزەڭنىڭ 53-مينۋتتا قوستانايلىق كلۋبتان رۋسلان ۆاليۋللين ەسەپ اشسا, 66-مينۋتتا الماتىلىق رادە دۋگاليچ ءوزىنىڭ قاقپاسىنا گول سوعىپ الدى.
ال 76-مينۋتتا ۆاگنەر لاۆ تاعى دا تارازى باسىن تەڭەستىرىپ كەتتى. وسىلايشا كەزدەسۋ 2:2 ەسەبىمەن تەڭ اياقتالدى.
سونداي -اق, بۇگىن ورالدا «اقجايىق» «تاراز» كومانداسىن 3:0 ەسەبىمەن جەڭدى. ءدال قازىر اقتاۋدا «كاسپي» مەن «تۇران» (تۇركىستان), «اتىراۋ» مەن «قايسار» (قىزىلوردا) كوماندالارى كەزدەسۋدە. ال كەشە, 27 ماۋسىمدا تاعى ءۇش ويىن وتكىزىلدى. ءوز الاڭىندا «قىزىلجار» «استانادان» 3:2, «شاحتەر» «اقتوبەدەن» ەسەبىمەن 1:0, «ورداباسى» «جەتىسۋدان» 3:0 ەسەبىمەن باسىم ءتۇستى.
