شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, كوشى-قون قىزمەتى باسقارماسىنىڭ پوليتسەيلەرى ءوڭىر حالقى اراسىندا قوس ازاماتتىعى بار اداماردى انىقتاۋ ماقساتىندا بىرقاتار شارالاردى قولعا العان.
«جارتى جىل ىشىندە 500-دەن استام ادام قازاقستان ازاماتتىعىنان شىقتى. ولاردىڭ نەگىزگى بولىگى – رەسەي فەدەراتسياسى, گەرمانيا جانە قىرعىزستان رەسپۋبليكاسى ازاماتتىعىن قابىلداعان. سونىمەن قاتار قوس ازاماتتىعى بار 40-تان استام ادام انىقتالدى. ونىڭ ىشىندە شەتەل ازاماتتىعىن الۋ فاكتىسى تۋرالى بەلگىلەنگەن مەرزىمدە حابارلاماعانى ءۇشىن 10 ادام, قر تولقۇجاتىن جانە جەكە كۋالىكتى پايدالانعانى ءۇشىن 30 ادام اكىمشىلىك جاۋاپكەرشىلىككە تارتىلدى», دەدى شقو پد كوشى-قون قىزمەتى باسقارماسىنىڭ باستىعى ەربول بەكپاەۆ.
ماسەلەن, ماۋسىم ايىنىڭ ورتاسىندا ءتارتىپ ساقشىلارى 2021 جىلدىڭ اقپانىندا التاي ولكەسى بارناۋل قالاسىندا رەسەي فەدەراتسياسىنىڭ ازاماتتىعىن قابىلداعان ريددەر قالاسىنىڭ تۇرعىنىن انىقتادى. ول مەملەكەتتىك قىزمەتتەردى الۋ كەزىندە قر ازاماتىنىڭ قۇجاتتارىن پايدالانعان. اقبتك-ءنىڭ 496-بابى 1-بولىگىنە سايكەس, ءتارتىپ بۇزۋشىعا 100 اەك مولشەرىندە ايىپپۇل سالىندى.
سونداي-اق شەتەلدىكتەن قازاقستان رەسپۋبليكاسى ازاماتىنىڭ جەكە كۋالىگى مەن تولقۇجاتى الىندى.
