قازاقستاننىڭ كوپ ايماعىندا تەمپەراتۋرالىق فون جوعارىلايدى. بۇل يران اۋداندارىنان جىلى جانە قۇرعاق اۋا ماسسالارىنىڭ كەلۋىنە بايلانىستى.
«تەك رەسپۋبليكانىڭ باتىسىندا شىلدەنىڭ العاشقى كۇندەرى نايزاعاي ويناپ, جاڭبىر جاۋادى. بۇل اۋا تەمپەراتۋراسىنىڭ تومەنەۋىنە ىقپال ەتەدى: تۇندە 17-22 گرادۋسقا دەيىن, كۇندىز 27-35 گرادۋسقا دەيىن جىلى بولادى. رەسپۋبليكانىڭ سولتۇستىگىندە, شىعىسىندا جانە ورتالىعىندا اۋا تەمپەراتۋراسى تۇندە 15-22, كۇندىز 30-38 گرادۋسقا دەيىن كوتەرىلەدى. وڭتۇستىك وڭىرلەردە تۇندە اۋا تەمپەراتۋراسى 20-25, كۇندىز 35-42 گرادۋس جىلى بولادى», دەلىنگەن حابارلامادا.
