كوروناۆيرۋس • 27 ماۋسىم، 2021

«سپۋتنيك V» ۆاكتسيناسىن جۇكتى ايەلدەرگە قولدانۋ نۇسقاۋلىعى جاريالاندى

61 رەت كورسەتىلدى

اتالعان پرەپاراتقا ارنالعان جاڭارتىلعان نۇسقاۋلىق پايدا بولدى، دەپ حابارلايدى Egemen.kz تاسس-قا سىلتەمە جاساپ.

«سپۋتنيك V» كوروناۆيرۋسقا قارسى ۆاكتسيناسىن جۇكتى ايەلدەرگە پرەپاراتتىڭ انا ءۇشىن كۇتىلەتىن پايداسى ىشتەگى نارەستەگە ىقتيمال قاۋىپتەن جوعارى بولعان جاعدايدا عانا قولدانۋ كەرەك.
«جۇكتىلىك كەزىندە «گام-كوۆيد-ۆاك» پرەپاراتىن كلينيكالىق قولدانۋدىڭ تاجىريبەسى جوق. جانۋارلاردا رەپرودۋكتيۆتىك ۋىتتىلىقتى زەرتتەۋ بارىسىندا جۇكتىلىكتىڭ وتۋىنە، ەمبريوفەتالدىق دامۋىنا (انالىقتاردا) جانە ۇرىقتىڭ پرەناتالدىق دامۋىنا تەرىس اسەرى انىقتالعان جوق. وسىعان بايلانىستى جۇكتىلىك كەزىندە «گام-كوۆيد-ۆاك» پرەپاراتىنان كۇتىلەتىن پايدا ىقتيمال قاۋىپتەن جوعارى بولعان جاعدايدا عانا قولدانۋ كەرەك»، دەلىنگەن قۇجاتتا.

الايدا، ەمىزۋ كەزىندە «سپۋتنيك V» ەكپەسىن سالدىرۋعا بولمايتىنى ايتىلعان. رەسەي فەدەراتسياسىنىڭ دەنساۋلىق ساقتاۋ ءمينيسترى ميحايل مۋراشكونىڭ سوزىنشە، ۆاكتسينانىڭ قاۋىپسىزدىگىن كلينيكاعا دەيىنگى زەرتتەۋلەردىڭ وڭ ناتيجەلەرىن، سونىمەن قاتار، تىركەۋدەن كەيىنگى زەرتتەۋلەر كەزىندە پرەپاراتتىڭ تيىمدىلىگى مەن قاۋىپسىزدىگى تۋرالى دەرەكتەردى ەسكەرە وتىرىپ، ساراپشىلار جۇكتى ايەلدەرگە «گام-كوۆيد-ۆاك» ۆاكتسيناسىن قولدانۋعا قارسى كورسەتكىشتەردى الىپ تاستاۋ تۋرالى شەشىم قابىلداعان. مينيستر: «وسىلايشا كوروناۆيرۋس ينفەكتسياسىنىڭ اۋىر اعىمىنىڭ قاۋپى جوعارى جۇكتى ايەلدەردى ۆاكتسينالاۋ مۇمكىندىگى اشىلدى»، دەدى.

سوڭعى جاڭالىقتار

جىل ءسوزى

الەم • كەشە

ۇقساس جاڭالىقتار