قوعام • 25 ماۋسىم، 2021

الماتى تۇرعىندارىنىڭ مازاسىن العان موپەدشىلەر ماسەلەسى قالاي شەشىلەدى؟

12 رەت كورسەتىلدى

قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قالا اكىمى باقىتجان ساعىنتاەۆ جۋرناليستەردىڭ سۇراقتارىنا جاۋاپ بەرە كەلە، موپەد جۇرگىزۋشىلەرىنە قويىلاتىن تالاپتاردى قاتاڭداتۋ قاجەتتىگى تۋرالى باياندادى، دەپ حابارلايدى Egemen.kz.

ب. ساعىنتاەۆ جول قوزعالىسى قاۋىپسىزدىگىن قامتاماسىز ەتۋ ماقساتىندا موپەد جۇرگىزۋشىلەرىنىڭ قوزعالىسىن رەتتەيتىن ەرەجەلەر ەنگىزىلۋى ءتيىس دەپ ەسەپتەيدى.

«وكىنىشتىسى، موپەد جۇرگىزۋشىلەرى مەن سكۋتەر اراسىندا جولدا ءجۇرۋ ەرەجەلەرىن بۇزاتىن جاعدايلار ءجيى كەزدەسەدى. موپەدتەرە قوزعالىسىن رەتتەۋ ءۇشىن شارالار قابىلداۋ قاجەت دەپ ويلايمىن»، دەدى اكىم.

الماتى اكىمى ۆەلوشەرينگ جۇيەسىنىڭ جاي-كۇيى تۋرالى سۇراققا جاۋاپ بەرە وتىرىپ، 2021 جىلى جوندەۋ ءۇشىن قاراجات بولىنگەنىن جانە ماۋسىم ايىنىڭ سوڭىنا دەيىن قوسالقى بولشەكتەردى جەتكىزۋگە شارت جاسالعانىن حابارلادى. جوندەۋ جۇمىستارىن قىركۇيەك ايىنىڭ سوڭىنا دەيىن اياقتاۋ جوسپارلانىپ وتىر. سونداي-اق جوندەۋ جۇمىستارى اياسىندا ۆەلوسيپەد ستانساسى مەن دۇڭگىرشەكتەردىڭ رەبرەندينگىن جاڭارتۋ قاراستىرىلعان.

الماتى پوليتسيا دەپارتامەنتىنىڭ مالىمەتىنشە، جۇرگىزىلگەن پروفيلاكتيكالىق ءىس-شارالار بارىسىندا 250-دەن استام جقە بۇزۋشىلىق انىقتالدى.

سونىمەن قاتار قر جقە جول قوزعالىسىنىڭ باسقا قاتىسۋشىلارىنا تەڭەستىرىلگەن بالامالى قوزعالىس قۇرالدارىن باسقاراتىن تۇلعالار ساناتىنىڭ جاعدايىن رەتتەيدى جانە قر اقبتك 615-بابى بويىنشا جاۋاپكەرشىلىككە تارتىلادى (جاياۋ جۇرگىنشىلەردىڭ جانە جول قوزعالىسىنىڭ وزگە دە قاتىسۋشىلارىنىڭ جقە بۇزۋى).

قوزعالىستىڭ بۇل ءتۇرى نەعۇرلىم تانىمال بولىپ كەلە جاتقانىن جانە سونىڭ سالدارىنان الماتى قالاسى پد اپاتتىلىعىنىڭ ءوسۋى بولجانىپ وتىرعانىن ەسكەرە وتىرىپ، قر ءىىم-گە بالاما قوزعالىس قۇرالدارىن پايدالانۋ ەرەجەلەرىن قاتاڭداتۋ جانە قر زاڭناماسىنا ءتيىستى ۇسىنىستار ەنگىزۋ ماسەلەسىن قاراۋ قاجەتتىگى تۋرالى ۇسىنىس ەنگىزىلدى. بۇدان بۇرىن حابارلانعانداي، قر ءىىم جانىنداعى بارلىق مۇددەلى مەملەكەتتىك ورگانداردىڭ قىزمەتكەرلەرىنەن جۇمىس توبى قۇرىلدى. «جول قوزعالىسى تۋرالى» قر زاڭىنا، جول قوزعالىسى ەرەجەلەرىنە، «اكىمشىلىك قۇقىق بۇزۋشىلىق تۋرالى» قر كودەكسىنە قالالىق ورتادا ميكرو ءموبيلدى كولىكتى پايدالانۋدى پىسىقتاۋ بولىگىندە ەنگىزۋ ءۇشىن ۇسىنىستار تالقىلانۋدا.

سونىمەن قاتار الماتى اكىمدىگى ءباسپاسوز قىزمەتىنىڭ مالىمەتىنشە، مەگاپوليستە «قالانىڭ ۆەلو جانە جاياۋ جۇرگىنشىلەر ينفراقۇرىلىمىن دامىتۋ ستراتەگياسىن» ازىرلەۋ اياقتالۋدا، وندا پروبلەمالىق ماسەلەلەر قارالىپ، ۇسىنىستار ەنگىزىلەدى. 

«الماتى بايكىنا» قاتىستى الماتى اكىمدىگىنىڭ مالىمەتىنشە، ۆەلوشەرينگ جۇيەسى 2016 جىلى ىسكە قوسىلعان جانە ۆەلوسيپەدتەردى ۇستاۋعا جەتكىلىكتى كولەمدە قارجىلاندىرۋ بولىنبەگەن. كۇردەلى جوندەۋ جانە جيناقتاۋشى بولشەكتەردى اۋىستىرۋ جۇمىستارى جۇرگىزىلمەگەن.

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار