قوعام • 25 ماۋسىم، 2021

استانادا «جۋرناليستەر اللەياسى» اشىلادى

28 رەت كورسەتىلدى

نۇر-سۇلتان قالاسىندا ينتەرنەتكە تەگىن قوسىلۋ مۇمكىندىگى قاراستىرىلعان «جۋرناليستەر اللەياسىن» اشۋ جوسپارلانۋدا. بۇل تۋرالى قر اقپارات جانە قوعامدىق دامۋ ءمينيسترى ايدا بالاەۆا Facebook-تە جازدى، دەپ حابارلايدى Egemen.kz.

«قۇرمەتتى اقپارات سالاسىنىڭ قىزمەتكەرلەرى! بارشاڭىزدى كاسىبي مەرەلەرىڭىزبەن شىن جۇرەكتەن قۇتتىقتايمىن!

اقپارات جانە قوعامدىق دامۋ مينيسترلىگىنىڭ باستاماسىمەن ەلوردامىزدا «جۋرناليستەر اللەياسىن» اشۋ جوسپارلانۋدا. تەگىن ينتەرنەتكە قوسىلۋ مۇمكىندىگىن قاراستىراتىن اللەيا تىلشىلەر قاۋىمىنىڭ شىعارماشىلىعىن شىڭدايتىن جەر عانا ەمەس، باس قالامىزدىڭ بارشا تۇرعىندارى مەن قوناقتارى ءۇشىن دە ەڭ سۇيىكتى ورىنعا اينالادى دەپ سەنەمىن. اللەياعا ومىردەن ءوتىپ كەتكەن جۋرناليستيكاداعى جارقىن تۇلعالاردىڭ ەسىمدەرى جازىلعان ارنايى اعاشتار ءوسىرىپ، ەسكە الۋ تاقتالارىن ورناتامىز. سوندىقتان اللەيانى اشۋ مەرزىمىن كوشەت وتىرعىزۋعا ەڭ قولايلى كەزەڭ كۇز ماۋسىمىنا اۋىستىردىق»، دەدى ا.بالاەۆا.

ءمينيستردىڭ ايتۋىنشا، بۇل باستاما تاعى ءبىر بىرەگەي جوبانىڭ اياسىندا باس قوسىپ، پىكىر الماسىپ، بىرىگىپ يگى ءىس اتقارۋعا جول اشاتىن تاماشا مۇمكىندىك بولادى.

 

 

سوڭعى جاڭالىقتار

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار