ايماقتار • 25 ماۋسىم، 2021

اسكەري ۇشقىشتار سىرتقى اسپادا جۇكپەن ۇشۋ جاتتىعۋلارىن جاسادى

9 رەت كورسەتىلدى

شىمكەنت قالاسىنىڭ اۆياتسيالىق بازاسىندا قازاقستان اسكەري-اۋە كۇشتەرى اسكەري اۆياتسياسىنىڭ جەكە قۇرامىمەن نۇسقاۋلىق-ادىستەمەلىك جيىن وتكىزىلدى، دەپ حابارلايدى Egemen.kz.

ولار اسكەري ۇشقىشتاردىڭ ۇشۋ شەبەرلىگى دەڭگەيىن جانە نۇسقاۋشى قۇرامنىڭ ماشىعىن ارتتىرۋ، ۇشۋ تەحنيكاسىنداعى داعدىلاردى جەتىلدىرۋ، سونداي-اق تاجىريبە الماسۋ ءۇشىن ۇيىمداستىرىلعان.

جيىندى قولباسشىنىڭ ءبىرىنشى ورىنباسارى - قر قك اقك اسكەري-اۋە كۇشتەرى شتابىنىڭ باستىعى پولكوۆنيك رۋسلان كۋنۋروۆ باسقاردى.

ۇشۋ تاپسىرمالارىن ورىنداۋ كەزىندە نۇسقاۋشىلار تۇنگى كورۋ قۇرالدارىن پايدالانا وتىرىپ تاۋلىكتىڭ قاراڭعى ۋاقىتىندا جەرگىلىكتى جەردە باعدارلاۋ، تاۋلى جەرلەردە ۇشۋ جانە قونۋ، سونداي-اق سىرتقى اسپادا جۇكپەن ۇشۋ سياقتى ماسەلەلەردى پىسىقتادى.

ۇشقىشتار تىكۇشاقپەن ەڭىستەر مەن شاتقالداردان ءوتۋ تاپسىرمالارىن ورىندادى، سونداي-اق 1500-دەن 4000 مەتر بيىكتىكتەگى اسۋلاردىڭ ۇستىنەن ءوتتى.

«سىرتقى اسپادا جۇگى بار تىكۇشاقتى باسقارۋدىڭ بىرقاتار ەرەكشەلىكتەرى بار، ول جۇكتى كابينانىڭ ىشىندە تاسىمالداعان كەزدەگىدەن دە كۇردەلى. جۇكتىڭ ءار ءتۇرى ءۇشىن ونىڭ ءپىشىنى مەن مولشەرىنە بايلانىستى تاسىمالداۋدىڭ وزىندىك جىلدامدىعى بار. ۇشۋدىڭ وسى ءتۇرىن ورىنداۋداعى جاتتىعۋلار ادەتتە سالماعى ءبىر تونناعا دەيىنگى جۇكپەن باستالادى، جۇكتىڭ ماسساسىن بىرتىندەپ ماكسيمالدى مانگە دەيىن ارتتىرادى»، دەدى پولكوۆنيك رۋسلان كۋنۋروۆ.

بۇدان باسقا، جيىنداردا جاس ۇشقىشتار قۇرامىن وقىتۋعا رۇقساتى بار ۇشقىش-نۇسقاۋشىلاردىڭ ادىستەمەلىك بىلىمدەرى تەكسەرىلدى، ەكيپاجداردىڭ ۇشۋلارعا باسشىلىق جاساۋ توبىمەن ءوزارا ءىس-قيمىل جاساۋ ماسەلەلەرى بويىنشا ارنايى ساباقتار وتكىزىلدى. وقۋ قورىتىندىسى بويىنشا ۇشقىش-نۇسقاۋشىلار ءار-ءتۇرلى دەڭگەيدەگى تاپسىرمالاردى ورىنداۋعا رۇقسات الدى

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار