24 ماۋسىم، 2021

رەسپۋبليكالىق سەميناردا تەرمينولوگيا ماسەلەسى تالقىلاندى

45 رەت كورسەتىلدى

قر ءبىلىم جانە عىلىم مينيسترلىگىنىڭ ءتىل ساياساتى كوميتەتىنىڭ ۇيىمداستىرۋىمەن ونلاين رەجىمدە «تەرمينولوگيالىق بازا: تاجىريبە جانە تەحنولوگيا» اتتى رەسپۋبليكالىق ادىستەمەلىك سەمينار ءوتتى، دەپ حابارلادى Egemen.kz.

«بۇگىندە وركەنيەتتىڭ قارقىندى دامۋى اقپاراتتىق تەحنولوگيالار نەگىزىندە تەرميندەردى جۇيەلەۋدى بارىنشا جىلدامداتۋعا جەتەلەپ وتىر. اتالعان ماسەلەنى ءتيىمدى شەشۋدە «termincom.kz» سايتى قاجەتتى پلاتفورما بولىپ وتىر. ال بارىنشا يكەمدىلىككە قول جەتكىزۋ ءۇشىن تەرمينولوگيالىق بازا كەز كەلگەن تىلدىك باعىت ءۇشىن ىزدەۋدى قامتاماسىز ەتۋى ءتيىس جانە تەرميندەردىڭ اقپاراتتىق، لينگۆيستيكالىق، تەحنيكالىق سيپاتتاماسىن اشىپ كورسەتە الۋى كەرەك»، دەدى كوميتەت توراعاسى ادىلبەك قابا. 

سەمينار بارىسىندا زامان تالاپتارىنا ساي ۇلتتىق تەرميندەر بازاسىنىڭ قۇرىلىمى مەن قىزمەتى، ونى ازىرلەۋ جولدارى، حالىقارالىق تاجىريبە تالقىلاندى.

ءىس-شارادا «استانا» حالىقارالىق قارجى ورتالىعى اكىمشىلىك دەپارتامەنتى ديرەكتورىنىڭ ورىنباسارى، ف.ع.د.، قر ۇعا اكادەميگى شەرۋباي قۇرمانباي ۇلى «تەرميندەردىڭ ەلەكتروندى مالىمەت قورىن جاساۋ – تەرمينقوردى باسقارۋ مەن ونى ءتيىمدى پايدالانۋدىڭ ماڭىزدى تەتىگى» تاقىرىبىنا توقتالسا، بۇدان كەيىن ءسوز العان ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ پروفەسسورى، ف.ع.د. ءسابيرا ساعىنبەكقىزى يساقوۆا تەرمينولوگيالىق بازا جاساۋدىڭ حالىقارالىق تاجىريبەلەرىن ساراپتادى. ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ عىلىمي قىزمەتكەرى نۇرلان قۇنىپيا ۇلى شۇلەنباەۆ «قازاق ءتىلىنىڭ تەرمينولوگيالىق بازاسى: تاجىريبەسى، باعدارى، الەۋەتى»  بايانداماسىندا تەرمينوگرافيالىق ەڭبەكتەردىڭ بازا جاساۋداعى ماڭىزدىلىعىنا نازار اۋداردى.

سونداي-اق اۋدارماشى، گۋمانيتارلىق عىلىمدار ماگيسترى اينۇر تولىبايقىزى باەكەەۆا «Digital Library باسقارۋ جۇيەسى نەگىزىندە تەرمينولوگيالىق بازا قۇراستىرۋ تاجىريبەسى»، ال ش.شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعى اقپاراتتىق تەحنولوگيا باسقارماسىنىڭ باسشىسى، ف.ع.م. ءمولدىر باقىتقىزى «ەلەكتروندىق تەرمينولوگيالىق قوردىڭ مۇمكىندىكتەرى» تاقىرىبىندا بايانداما جاسادى.

سەمينار تاقىرىبى بويىنشا ءسوز العاندار تەرمينولوگيالىق بازا جاساۋ  تەرميندەردى بىرىزدەندىرۋدىڭ ماڭىزدى قادامى ەكەندىگىن ءبىراۋىزدان اتاپ ءوتتى.  

ءىس-شارا سوڭىندا سەمينار قاتىسۋشىلارىنا قارار جوباسى تانىستىرىلىپ، سپيكەرلەرگە العىسحات تاپسىرىلدى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ساقتىق تالاپقا ساي ەمەس

كوروناۆيرۋس • بۇگىن، 08:37

Ashyq جوباسىن پايدالانۋشىلار سانى ارتتى

كوروناۆيرۋس • بۇگىن، 08:35

اسكەري دارىگەرلەر كومەككە كەلدى

كوروناۆيرۋس • بۇگىن، 08:28

دايارلىقتارىن جەتىلدىردى

قوعام • بۇگىن، 08:21

«وردالى وتىز ءىس»

تاۋەلسىزدىكتىڭ 30 جىلدىعى • بۇگىن، 08:17

ۇقساس جاڭالىقتار