قوعام • 24 ماۋسىم، 2021

«حابار» اگەنتتىگىنىڭ قىزمەتكەرلەرىنە پاتەر كىلتى تابىستالدى

58 رەت كورسەتىلدى

بۇقارالىق اقپارات قۇرالدارى قىزمەتكەرلەرى كۇنىن مەرەكەلەۋ قارساڭىندا  «حابار» اگەنتتىگىنىڭ قىزمەتكەرلەرى قونىس تويلارىن تويلاپ جاتىر، دەپ حابارلايدى Egemen.kz.

ءوز پاتەرلەرىنىڭ  باقىتتى يەلەرىن  قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى - داۋرەن اباەۆ پەن قازاقستان رەسپۋبليكاسى اقپارات جانە قوعامدىق دامۋ ءمينيسترى - ايدا بالاەۆا قۇتتىقتادى.

«مەنىڭ ويىمشا، قالعان تەلەارنالار «حابار» بەلگىلەيتىن دەڭگەيگە جەتۋگە ۇمتىلادى. بۇگىنگى ءىس-شارا - «حابار» تەك اقپارات بەرىپ قانا قويماي، ءوز كادرلارىنا قامقورلىق جاسايتىنىنىڭ جارقىن دالەلى»، دەدى قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى.

اقپارات جانە قوعامدىق دامۋ ءمينيسترى ايدا بالاەۆانىڭ ايتۋىنشا، اگەنتتىك قىزمەتكەرلەرىنىڭ كاسىبي مەرەكەلەرى قارساڭىندا پاتەر كىلتتەرىن الۋى  - وتە ورىندى بولدى.

«مەن بۇگىن سىزدەرمەن وسى قۋانىشتى وقيعامەن بولىسكەنىمە وتە قۋانىشتىمىن. شىنىندا دا، كەز كەلگەن ادام دەنى ساۋ بولۋدى، بالالار ءوز وشاعى مەن ءۇيى بار وتباسىندا وسكەنىن ارماندايدى. اگەنتتىك باسشىلىعىنىڭ وسىنداي ەرەكشە مۇمكىندىك بەرگەنىنە وتە قۋانىشتىمىن. مەن ءار وتباسىنا باقىت تىلەيمىن. «حابار» تۇرعىن ءۇي كەشەنىندە ءاردايىم كەرەمەت ءىس-شارالار بولىپ تۇرسىن. سىزدەردىڭ كاسىبي مەرەكەلەرىڭىزدىڭ  قارساڭىندا پاتەر كىلتتەرىن الۋلارىڭىز - وتە ورىندى! سىزدەرگە شىعارماشىلىق تابىس پەن باقىت تىلەيمىن»، دەدى ايدا بالاەۆا.

ا

جاڭا «حابار» تۇرعىن ءۇي كەشەنى ەلوردانىڭ پەرسپەكتيۆالى اۋدانىندا ورنالاسقان. بۇل -  جەر استى پاركينگى بار 10 قاباتتى زاماناۋي عيمارات.          اگەنتتىكتىڭ ۇزدىك قىزمەتكەرلەرى پاتەرلەردى جالعا الۋ قۇقىعى اياسىندا، كەيىننەن ساتىپ الۋ مۇمكىندىگىنە ۇلاساتىن جۇيە ارقىلى الدى. تاعى 200 قىزمەتكەر وتە قولايلى شارتتار بويىنشا جايلىلىق-ساناتىنداعى  تۇرعىن ۇيدەن پاتەر ساتىپ الۋ مۇمكىندىگىنە يە بولدى.

«حابار» اگەنتتىگىنىڭ باسقارما توراعاسى ەرلان بەكحوجين بۇل جوبانىڭ  جۇزەگە  اسىرىلعاندىعىنا  وتە قۋانىشتى ەكەنىن مويىندادى.

«بۇل وتە قۋانىشتى وقيعا. مەنىڭ ويىمشا، ءبىزدىڭ بۇگىنگى ءىس-شارامىزدىڭ «باقىت ءومىر سۇرەتىن ءۇي» ۇرانىنا نازار اۋدارعان بولارسىزدار. شىن مانىندە، ادام ءۇشىن ءۇي -  جاي قابىرعالار عانا ەمەس، بۇل ءومىر اۋماعى، جايلى اتموسفەرا، بۇل بالالار وسەتىن ورىن. ءبىز بۇل جوبانى جۇزەگە اسىرا العانىمىزعا قۋانىشتىمىز. ارينە، مەن ءۇيدى قىسقا مەرزىمدە سالعان قۇرىلىسشىلارعا  العىس ايتقىم  كەلەدى»، دەدى ەرلان بەكحوجين.

قازاقتىڭ ءداستۇرى بويىنشا بۇگىنگى مەرەكەگە جينالعاندارعا «شاشۋ» شاشىلىپ، سودان كەيىن قوناقتار پاتەرلەردى قاراپ شىقتى. كاسىبي مەرەكە قارساڭىندا اگەنتتىك قىزمەتكەرلەرىنە ۇلتتىق ەسترادا جۇلدىزدارى ونەر كورسەتتى.

«حابار» تەلەارناسىنىڭ «جاڭالىقتار» قىزمەتىنىڭ شىعارۋشى رەداكتورى  دوستىق  بەكباەۆ  اگەنتتىكتە 9 جىلدان بەرى جۇمىس ىستەيدى. بۇگىن ول ءوز ءۇيىنىڭ باقىتتى يەلەرىنىڭ قاتارىندا بولدى. بۇرىن ول قالا سىرتىندا تۇرسا، ەندى ول ءوز وتباسىمەن جاڭا پاتەرگە ورنالاساتىن بولادى.

ء«بىزدىڭ ءتورت بالامىز بار. مەنىڭ جۇمىسىمدى، جۇمىسىما بەرىلگەندىگىمدى ەسكەرىپ، باسشىلىق پاتەر كىلتىن تابىستادى. وتە قۋانىشتىمىن. مەن مۇنداي مۇمكىندىك ءۇشىن باسشىلىققا ريزامىن. پاتەر وتە كەڭ جانە جايلى. ءبىز دەرەۋ تىركەلدىك، ءتىپتى جوندەۋ جۇمىستارىن دا جاسامادىق، ويتكەنى ءىشى تازا جانە ادەمى بولدى. پاتەر جاقسى - 80 شارشى مەتر. تەرەزەدەن ەلوردانىڭ كەرەمەت كورىنىسى كوزگە تۇسەدى»، دەپ قۋانىشىمەن ءبولىستى دوستىق بەكباەۆ.

ايتا كەتۋ كەرەك، اگەنتتىك باسپاناعا مۇقتاج قىزمەتكەرلەرىنە 2008 جىلدان باستاپ كەڭسە عيماراتىندا بولمەلەر بەرىپ كەلدى. 2017 جىلى تۇرعىن ءۇي جاعدايلارىن جاقسارتۋ ماقساتىندا «حابار» اگەنتتىگى قىزمەتكەرلەرىنە جاعدايلارى جاقسارعان جاڭا عيمارات بەردى.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار