حالىق قاھارمانىنىڭ قۇتتىقتاۋى

كوكشەتاۋداعى “دوستار” ما­دەنيەت سارايىندا اسكەر قاتارىنا شاقىرىلۋشىلاردىڭ “وتان سار­بازدارى” اتتى تۇڭعىش پات­ريوتتىق اكتسياسى وتكىزىلدى.

ۇلى جەڭىستىڭ 65 جىلدىعىن مەرەكەلەۋ اياسىن­داعى جالپىحالىقتىق شارا­عا قاتىسۋشىلاردى اقمولا وبلىسى اكىمىنىڭ ورىنباسارى اسحات قايناربەكوۆ, وبلىستىق قور­عانىس ىستەرى جونىندەگى دەپارتامەنت باستىعى الەكساندر ستارتسەۆ, سوعىس ارداگەرى الەكسەي ياسترەبوۆ, وبلىستىق سوعىس جانە ەڭبەك ارداگەرلەرى ۇيىمىنىڭ توراعاسى چاپاي ءابۋتالىپوۆ, “نۇر وتان” حدپ وبلىستىق فيليالىنىڭ ءبولىم مەڭگەرۋشىسى باۋىرجان ىبىراەۆ, اتا-انالار قىزۋ قۇت­تىق­تادى. ولار بيىلعى مەرەكەلى كوكتەمدە مىڭداعان جاس بۋىن وتان شەپتەرىن قورعاۋعا اتتانىپ, ەل سەنىمىن ابىرويمەن اقتايتىن­دىعىنا سەنىم ءبىلدىردى. باسقوسۋداعى ۇمىتىلماس ءسات رەتىندە بولاشاق جاۋىنگەرلەردىڭ ارقايسىسىنا داڭقتى جەرلەسىمىز, قازاقستان رەسپۋبليكاسىنىڭ تۇڭ­عىش قورعانىس ءمينيسترى, حالىق قاھارمانى ساعادات نۇرماعام­بەتوۆتىڭ ارنايى قۇتتىقتاۋى مەن وبلىس اكىمى سەرگەي دياچەنكونىڭ اتىنان باعالى سىيلىقتار تاپسى­رىلۋىن اتار ەدىك. مۇنداي سىي-سياپاتقا سوعىس جانە تىل ارداگەر­لەرى دە يە بولدى. كەزدەسۋ سوڭىندا قازاقستان رەسپۋبليكاسى اسكەري كۇشتەرىنىڭ بۇگىنگى سان قىرلى قىزمەتى جايىن­دا دەرەكتى فيلم كورسەتىلىپ, قالا كوركەمونەرپازدار ۇيىرمەلەرى مۇشەلەرىنىڭ مەرەكەلىك كونتسەرتى قويىلدى. باقبەرگەن امالبەك, اقمولا وبلىسى.