قازاقستان • 24 ماۋسىم، 2021

شقو-دا جاپپاي مال قىرىلدى دەگەن اقپارات جالعان – اشم

45 رەت كورسەتىلدى

شىعىس قازاقستان وبلىسى زايسان اۋدانىنىڭ شىلىكتى اۋىلىندا بەلگىسىز اۋرۋدان جاپپاي مال قىرىلدى دەپ تاراتقان باق-تىڭ حابارلاماسىنا بايلانىستى اۋىل شارۋاشىلىعى مينيسترلىگى، بۇگىنگى تاڭدا شىلىكتى اۋىلدىق وكرۋگىندە اسا قاۋىپتى اۋرۋدان مال ولمەگەنىن حابارلايدى، دەپ جازادى Egemen.kz.

– وڭىردەگى شارۋاشىلىقتاردىڭ بىرىندە مالدىڭ جاپپاي قىرىلۋى بيىل مامىر ايىنىڭ باسىندا بولعان. سودان كەيىن اناەروبتى ەنتەروتوكسيننىڭ سالدارىنان 102 قوزىنىڭ ولگەنى انىقتالعان بولاتىن. سونىمەن قاتار جايىلىمداردى تەكسەرگەندە دە ۋلى نەمەسە باسقا دا زيان ەشتەڭە انىقتالمادى. ۇلكەن قويلاردا اۋرۋدىڭ بەلگىلەرى بولعان جوق.

وسىعان بايلانىستى ۆەتەرينارلار ءتۇسىندىرۋ جۇمىستارىن جۇرگىزىپ، شارۋاشىلىق يەسىنە بۇل جاعدايدا ولگەن مالعا وتەماقى تولەنبەيتىنى ايتىلدى، – دەلىنگەن حابارلامادا.

سونداي-اق 2020 جىلى جانە بيىعى جىلدىڭ ءبىرىنشى جارتىجىلدىعىندا جەرگىلىكتى اتقارۋشى ورگانداردىڭ ۆەتەريناريالىق قىزمەتتەرى ەپيزووتياعا قارسى ءىس-شارالار كەشەنىن ۋاقتىلى جۇرگىزگەنىن جانە قازىرگى ۋاقىتتا قازاقستانداعى بارلىق اۋىل شارۋاشىلىعى جانۋارلارى اسا قاۋىپتى اۋرۋلارعا قارسى ۆاكتسينا ەگىلگەنىن ايتتى.

– بيىل مامىر ايىندا قوزىلار ولگەننەن كەيىن شىلىكتى اۋىلدىق وكرۋگىنىڭ مالى ۆەتەرينار مامانداردىڭ قاتاڭ باقىلاۋىندا بولادى. سوندىقتان شىلىكتى اۋىلىندا مالدىڭ جاپپاي قىرىلىپ جاتقانى تۋرالى اقپارات تەكسەرىلمەگەن جانە جالعان، – دەدى اشم.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار