سونداي-اق جوسپار بويىنشا ەو عارىشتىق باعدارلاما اگەنتتىگى دەپ اتالاتىن جاڭا ورگان قۇرىلماق. Euspa ەۋروپا وداعىنىڭ وربيتاداعى جۇمىسىن باقىلايدى.
جاڭا باعدارلامانىڭ تاعى ءبىر ماڭىزدى جەتىستىگى – ەو-نىڭ ەۋروپا عارىش اگەنتتىگىمەن (ESA) بايلانىسىن نىعايتۋىندا. Euspa مەن ESA ۇيىمدارىنا مۇشە ەلدەر سانى بىردەي ەمەس. مىسالى, ۇلىبريتانيا ESA-عا كىرگەنىمەن, ەۋروپا وداعىنىڭ مۇشەسى بولماعاندىقتان, Euspa ۇيىمىنىڭ قاتارىندا ەمەس. دەگەنمەن ەۋرووداق ەۋروپا عارىش اگەنتتىگىن (ESA) تەحنيكالىق كەڭەسشىسى جانە ونەركاسىپتىك ساتىپ الۋ اگەنتى رەتىندە پايدالانادى. بۇل وداق قارجىلىق نەگىزدەمەلىك سەرىكتەستىك تۋرالى كەلىسىم (FFPA) نەگىزىندە رەسمي تۇردە بەكىتىلدى. FFPA مىندەتتەردى انىقتاپ, 2027 جىلعا دەيىن ەۋرووداقتىڭ ESA-عا تىكەلەي بەرەتىن قارجى سوماسىن بەلگىلەيدى. ەو عارىشقا بولگەن جالپى بيۋدجەتى – 14,88 ملرد ەۋرونىڭ شامامەن 9 ملرد ەۋروسىن وسى ۇيىمعا بەرمەك. قازىرگى ۋاقىتتا ەو ەۋروپا عارىش اگەنتتىگىنىڭ (ESA) تورتتەن ءبىر بولىگىن قارجىلاندىرىپ وتىر.