ايماقتار • 23 ماۋسىم، 2021

تۇركىستاندا تۇركىتىلدەس ەلدەردىڭ حالىقارالىق جاستار ءسامميتى اياقتالدى

19 رەت كورسەتىلدى

تۇركىتىلدەس ەلدەر جاستارىنىڭ وكىلدەرى قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان «تۇركى ەلدەرى جاستارىنىڭ اللەياسىنىڭ» اشىلۋىنا قاتىستى، دەپ حابارلايدى Egemen.kz.

ءىس - شارا 2021 جىلعى 21-23 ماۋسىم ارالىعىندا تۇركىستان قالاسىندا وتكەن تۇركى ەلدەرىنىڭ جاستار كوشباسشىلارى مەن بەلسەندىلەرىنىڭ «تۇركىستان-تۇركى الەمىنىڭ بەسىگى» ءسامميتى اياسىندا ءوتتى.

سامميت اياسىندا قوجا احمەت ياسساۋي اتىنداعى تۇركىستان ۋنيۆەرسيتەتىندە سامميتكە قاتىسۋشى ەلدەردىڭ جاستار ۇيىمدارى اراسىندا ىنتىماقتاستىق تۋرالى مەموراندۋمدارعا قول قويىلىپ، تۇركى تاريحى مەن مادەنيەتىنىڭ وزەكتى تاقىرىپتارىنا ارنالعان سەمينارلار ءوتتى.

تۇركىستانداعى حالىقارالىق جاستار ءسامميتىنىڭ سوڭعى كۇنى قاتىسۋشىلار مەن قوناقتار ارىستان باب كەسەنەسىنە، وتىرار قالاشىعىنا، اقمەشىت ۇڭگىرىنە جانە جالپى تۇركى جانە قازاق تاريحىنىڭ باسقا دا ورىندارىنا باردى.

ەسكە سالا كەتەيىك، ءسامميتتىڭ وفلاين جانە ونلاين فورماتتارىنداعى ءىس-شارالارىنا قازاقستان، تۇركيا، وزبەكستان، قىرعىزستان، ءازىربايجان، تۇرىكمەنستان، ۆەنگريادان، سونداي-اق رەسەي فەدەراتسياسىنىڭ تاتارستان جانە باشقۇرتستان سۋبەكتىلەرىنەن 200-گە جۋىق جاستار كوشباسشىلارى مەن بەلسەندىلەرى قاتىستى.

ءسامميتتىڭ نەگىزگى ماقساتى: تۇركى ەلدەرىنىڭ جاستارىن ورتاق تاريح، مادەنيەت، داستۇرلەر مەن قۇندىلىقتار، سونداي - اق تۇركى الەمىنىڭ بولاشاق دامۋىنا ورتاق كوزقاراس نەگىزىندە توپتاستىرۋ; «تۇركىستان-تۇركى الەمىنىڭ رۋحاني استاناسى» يدەياسىن ىلگەرىلەتۋ.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ۇقساس جاڭالىقتار