قازاقستان • 23 ماۋسىم، 2021

اسەت يسەكەشەۆ شىۇ-عا مۇشە مەملەكەتتەردىڭ قاۋىپسىزدىك كەڭەسى حاتشىلارىنىڭ كەزدەسۋىنە قاتىستى

18 رەت كورسەتىلدى

پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆ شىۇ-عا مۇشە مەملەكەتتەردىڭ قاۋىپسىزدىك كەڭەسى حاتشىلارىنىڭ ون التىنشى كەزدەسۋىنە قاتىستى، دەپ حابارولايدى Egemen.kz اقورداعا سىلتەمە جاساپ.

پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆ 2021 جىلعى 23 ماۋسىمدا دۋشانبەدە وتكەن شانحاي ىنتىماقتاستىق ۇيىمىنا مۇشە مەملەكەتتەردىڭ قاۋىپسىزدىك كەڭەسى حاتشىلارىنىڭ ون التىنشى كەزدەسۋىنە قاتىستى.

ءىس-شارا بارىسىندا شىۇ كەڭىستىگىندە قاۋىپسىزدىك پەن تۇراقتىلىقتى قامتاماسىز ەتۋ سالاسىنداعى احۋالعا بايلانىستى اۋقىمدى ماسەلە تالقىلاندى.

تاراپتار تەرروريزم، سەپاراتيزم مەن ەكسترەميزم، قارۋ-جاراق پەن ەسىرتكىنىڭ زاڭسىز اينالىمىنا، ترانسۇلتتىق ۇيىمداسقان قىلمىسقا قارسى ءىس-قيمىل، حالىقارالىق اقپاراتتىق قاۋىپسىزدىكتى قامتاماسىز ەتۋ سياقتى سالالارداعى ىنتىماقتاستىقتى ودان ءارى دامىتۋدىڭ نەگىزگى اسپەكتىلەرى بويىنشا پىكىر الماستى.

كەزدەسۋ بارىسىندا اۋعانستانداعى احۋالدى تەزىرەك رەتتەۋ – شىۇ ايماعىندا بەيبىتشىلىك پەن قاۋىپسىزدىكتى ساقتاۋدىڭ نەگىزگى فاكتورلارىنىڭ ءبىرى ەكەنى اتاپ ءوتىلدى. وسىعان وراي تاراپتار وسى ەلدەگى الەۋمەتتىك-ەكونوميكالىق احۋالدىڭ قالپىنا كەلۋىنە سەپتىگىن تيگىزەتىن ناقتى شارالار جوسپارىن كەلىسۋ جۇمىستارىن جالعاستىرۋعا ۋاعدالاستى.

اسەت يسەكەشەۆ ارىپتەستەرىنە شىۇ قىزمەتىنىڭ ماڭىزدى باعىتتارى بويىنشا قازاقستاننىڭ ۇستانىمدارىن جەتكىزدى جانە ەلىمىزدىڭ مۇددەلەرىن ەسكەرە وتىرىپ، ۇيىمدى ودان ءارى ۇيلەسىمدى دامىتۋ جونىندە بىرقاتار ۇسىنىستار ايتتى.

قازاقستان قاۋىپسىزدىك كەڭەسىنىڭ حاتشىسى COVID-19 ىندەتىنىڭ تەرىس الەۋمەتتىك-ەكونوميكالىق سالدارىن ەڭسەرۋ، ازىق-ت ۇلىك قاۋىپسىزدىگىن قامتاماسىز ەتۋ، ماڭىزدى ەكولوگيالىق پروبلەمالاردى شەشۋ سياقتى ماسەلەلەر بويىنشا بىرلەسە اتقاراتىن شارالارعا نازار اۋداردى. سونداي-اق ارىپتەستەرىن كيبەر قىلمىستارعا جانە ەسىرتكىنىڭ زاڭسىز اينالىمىنا قارسى ءىس-قيمىلداردى كۇشەيتۋگە، جالپى شىۇ كەڭىستىگىندە تۇراقتىلىق پەن قاۋىپسىزدىكتى قامتاماسىز ەتۋگە شاقىردى.

اسەت يسەكەشەۆ اۋعانستانعا جان-جاقتى كومەك كورسەتۋ جونىندەگى بىرلەسكەن ءىس-قيمىلدار قاجەتتىگىن اتاپ ءوتىپ، بەيبىت ومىرگە قول جەتكىزۋ ءۇشىن بارلىق فورمات بويىنشا جۇرگىزىلەتىن كەلىسسوزدەر پروتسەسىن جانداندىرۋعا قازاقستاننىڭ دايىن ەكەنىن ايتتى.

وتىرىس قورىتىندىسى بويىنشا ءىس-شاراعا قاتىسۋشىلار ءتيىستى حاتتاماعا قول قويدى. شىۇ-عا مۇشە مەملەكەتتەردىڭ قاۋىپسىزدىك كەڭەسى حاتشىلارىنىڭ كەزەكتى كەزدەسۋىن وزبەكستان رەسپۋبليكاسىندا وتكىزۋ جونىندە شەشىم قابىلداندى.

سونىمەن قاتار كەزدەسۋ بارىسىندا اسەت يسەكەشەۆ رەسەي فەدەراتسياسى قاۋىپسىزدىك كەڭەسىنىڭ حاتشىسى ن.پاترۋشەۆپەن، قىرعىز رەسپۋبليكاسى قاۋىپسىزدىك كەڭەسىنىڭ حاتشىسى م.يمانقۇلوۆپەن، سونداي-اق، پاكiستان يسلام رەسپۋبليكاسى پرەمەر-ءمينيسترىنىڭ ۇلتتىق قاۋىپسىزدىك جانە ستراتەگيالىق جوسپارلاۋ ماسەلەلەرى جونىندەگى كومەكشىسى م.يۋسۋفپەن كەلىسسوزدەر جۇرگىزدى. كەلىسسوزدە وڭىرلىك قاۋىپسىزدىك سالاسىنداعى ءوزارا ءىس-قيمىل مەن ىنتىماقتاستىقتى كەڭەيتۋدىڭ وزەكتى ماسەلەلەرى قاراستىرىلدى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ۇقساس جاڭالىقتار