شقو وبلىسى كۇرشىم اۋدانىنداعى كۇرشىم وزەنىندە سۋ تاسقىنى سالدارىنان جاۋعاشتى كانالىن سۋمەن قامتاماسىز ەتىپ وتىرعان بوگەت قيرادى.
بوگەت 2016 جىلدان بەرى «قازسۋشار» رمك فيليالىنىڭ بالانسىندا. بۇرىن كوممۋنالدىق مەنشىكتە بولعان. 9 ماۋسىم كۇرشىم وزەنىندە سۋ تاسقىنى وتكەن سوڭ سۋ دەڭگەيى تومەندەپ, شارۋالار سۋارمالى سۋدىڭ جەتىسپەۋشىلىگىن سەزىنىپ وتىر.
بۇگىنگى كۇنى «قازسۋشار» رمك شىعىس قازاقستان فيليالىنىڭ كۇشىمەن قالپىنا كەلتىرۋ جۇمىستارى جۇرگىزىلىپ جاتىر. «قازسۋشار» رمك ورتالىق اپپاراتىنان جەرگىلىكتى جەردەگى جۇمىستاردى ۇيلەستىرۋ ءۇشىن ماماندار مەن قوسىمشا تەحنيكا جىبەرىلدى.
قالپىنا كەلتىرۋ جۇمىستارى 24 ماۋسىم اياقتالادى دەپ كۇتىلەدى.
