«حالىقارالىق تۇركسوي ۇيىمىنىڭ ۇيىتقى بولۋىمەن جارىق كورگەن تۋىندىنىڭ تانىستىرىلىمى الدىمەن كاستامونۋ قالاسىندا ءوتتى. ءىس-شاراعا قر مادەنيەت جانە سپورت مينيسترلىگىنىڭ, الماتى وبلىسى اكىمدىگىنىڭ وكىلدەرى, ونەرپازدار مەن اقىننىڭ ۇرپاعى جۇلدىز ماقاتاەۆ ارنايى كەلدى. سونداي-اق تۇساۋكەسەرگە تۇركسوي ۇيىمىنىڭ باس حاتشىسى دۇيسەن قاسەيىنوۆ, قر تۇركياداعى ەلشىسى ابزال ساپاربەك ۇلى, كاستامونۋ پروۆينتسياسىنىڭ گۋبەرناتورى اۆني چاكىر, كاستامونۋ قالاسىنىڭ مەرى راحمي گاليپ ۆادينليوعلى قاتىسىپ, ءسوز سويلەدى», دەلىنگەن تۇركسوي ۇيىمى تاراتقان اقپاراتتا.
م.ماقاتاەۆتىڭ ولەڭدەر جيناعى التى تىلدە جارىق كورىپ وتىر. ەندى اقىننىڭ شىعارمالارىن قىرعىز, تۇرىك, ازەربايجان, وزبەك, تۇرىكمەن جانە باشقۇرت تىلدەرىندە وقۋعا بولادى. اۋدارماشىلاردىڭ اراسىندا قىرعىزستاننىڭ تانىمال اقىنى قوجوگەلدى كۇلتەگىن مەن تۇركيالىق اقىن كەنان چاربوعا بار.
