الەۋمەتتىك جەلىدە بەسكول اۋىلىنىڭ ماڭىندا بولعان جول-كولىك وقيعاسىنىڭ ۆيدەوسى تارادى.
اۆتوكولىكتەر جانار-جاعارماي ستانساسىنىڭ جانىندا سوقتىعىسىپ, سالدارىنان «ۆاز» كولىگى اۋدارىلعان. وقيعاعا قاتىستى سقو پوليتسيا دەپارتامەنتى ءپاترۋلدى پوليتسيا باتالونى تۇسىنىك بەردى. بۇگىن ساعات 12.15 شاماسىندا «جەزقازعان-پەتروپاۆل» جولىنىڭ 953-شاقىرىمىندا «Toyota Prado» جانە «ۆاز-2114» اۆتوكولىكتەرى سوقتىعىسقان.
اپاتتان ەشكىم زارداپ شەككەن جوق. ەكى جۇرگىزۋشى دە الكوگولدىك ىشىمدىك ىشپەگەن. قازىرگى ۋاقىتتا ءتارتىپ ساقشىلارى وسى وقيعاعا قاتىستى ماتەريال جيناپ جاتىر.
كەيىن ءىس قىزىلجار اۋداندىق مامانداندىرىلعان اكىمشىلىك سوتىنا پروتسەسسۋالدىق شەشىم شىعارۋ ءۇشىن بەرىلەدى.
