قازاقستان • 22 ماۋسىم، 2021

نۇر-سۇلتاندا كوروناۆيرۋستىڭ ءۇندى شتامى انىقتالدى

36 رەت كورسەتىلدى

ەلوردادا كوروناۆيرۋستىڭ ءۇندى شتاممى انىقتالدى. بۇل تۋرالى ۇكىمەت وتىرىسىندا قر دەنساۋلىق ساقتاۋ ءمينيسترى الەكسەي تسوي ايتتى، دەپ حابارلايدى Egemen.kz.

«نۇر-سۇلتان قالاسىندا كۆي-مەن اۋىرعان ناۋقاستان الىنعان وڭ زەرتحانالىق ۇلگىگە پتر سكرينينگ جۇرگىزۋ ناتيجەسىندە «دەلتا» شتامىنا نەمەسە ءۇندى شتاممىنا ءتان ىقتيامال مۋتاتسيا انىقتالدى. كوروناۆيرۋستىڭ «دەلتا» شتامى جوعارى جۇقتىرعىشقا يە جانە شتامم انىقتالعان ناۋقاستاردىڭ 60 پايىزىندا ول 7 كۇنگە دەيىنگى بارىنشا قىسقا ينكۋباتسيالىق كەزەڭىمەن ەرەكشەلەنەدى. تاياۋدا جۇرگىزىلگەن زەرتتەۋلەر كوروناۆيرۋستىڭ ءۇندى شتامى ەمحاناعا ءتۇسۋ جانە ءولىم-ءجىتىمنىڭ جوعارى بولۋىمەن بايلانىستى ەكەندىگىن كورسەتتى»، دەدى مينيستر.

سونىمەن قاتار ونىڭ ايتۋىنشا، بۇل مۋتاتسيانى جۇقتىرعانداردا بۋىندار مەن ءىشتىڭ قاتتى اۋرۋى، ەستۋ قابىلەتىن جوعالتۋ سىندى قوسىمشا سيمپتومدار ءتان بولىپ وتىر.

«دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە، SARS-CoV-2 «دەلتا» شتامى الەمنىڭ 74 ەلىندە انىقتالىپ وتىر. ءۇندى شتاممىنا ءتان جۇقتىرعىشتىق، اۋرۋدىڭ اۋىر ءوتۋى سىندى مالىمەتتەردى ەسكەرە وتىرىپ، وڭىرلەر دارىلىك زاتتاردىڭ جەتكىلىكتى قورىن، وكپەنى جاساندى جەلدەتۋ اپپاراتىنا ارنالعان شىعىس ماتەريالدارىن، جەكە قورعانىش زاتتارىن، رەزەرۆتىك توسەك-ورىن قورىن قامتاماسىز ەتىپ، كۆي جۇقتىرعان ناۋقاستارعا مەديتسينالىق كومەك كورسەتۋ ءۇشىن جەدەل جاردەم قىزمەتى مەن ۇتقىر بريگادالاردى دايىندىققا كەلتىرۋى قاجەت»، دەدى الەكسەي تسوي.

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار