ال تۇرعىنداردىڭ قاۋىپسىزدىگى ءۇشىن وڭىردەگى قىزمەت كورسەتۋ نىساندارى جاپپاي Ashyq جوباسىنا قوسىلۋدا. ارينە, ازاماتتاردىڭ دەنساۋلىعىنا قاتىستى جاۋاپكەرشىلىگى جەكە باسقا قاتىستى بولعانىمەن, ىندەت تارالۋىنىڭ الدىن الۋعا قوسىمشانىڭ دا وڭ ىقپالى ءتيىپ وتىرعان كورىنەدى. ماسەلەن, بىرەر كۇن ىشىندە Ashyq جوباسى ارقىلى تەكسەرۋدىڭ ناتيجەسىندە ايماقتاعى 103 تۇرعىننىڭ «قىزىل» جانە «سارى» مارتەبەگە يە ەكەنى راستالىپتى. سونىڭ ىشىندە تالدىقورعان قالاسىندا 57 «سارى» جانە 36 «قىزىل» مارتەبەسىن تاسىمالداۋشى, پانفيلوۆ اۋدانىندا 1 «قىزىل» جانە 3 «سارى» مارتەبەسىن تاسىمالداۋشى, ەسكەلدى اۋدانىندا 1 «قىزىل» جانە 2 «سارى», قاراساي اۋدانىندا 1 «قىزىل», 1 «سارى» جانە ەڭبەكشىقازاق اۋدانىندا 1 «سارى» ءتۇستى مارتەبە كورسەتكەن ادام انىقتالعان ەكەن. دەمەك ىندەتتىڭ تارالۋىنا جول بەرمەۋ ءۇشىن Ashyq جوباسىنىڭ تيىمدىلىگى بار دەگەن ءسوز.
– بۇگىنگە دەيىن وبلىستاعى دەمالىس باسسەيندەرى, لوتەرەيا كلۋبتارى جانە تۋريزم نىساندارى Ashyq جوباسىنا تولىق قوسىلدى. ياعني بارلىعى 740 نىسان قوسىمشانى ءوز قىزمەتىنە ەنگىزگەن. سونداي-اق «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فيليالدارى, تالدىقورعان قالاسىنىڭ اكىمدىگى مەن اۋەجاي دا قوسىمشا ارقىلى جۇمىس ىستەي باستادى. تسيفرلى پلاتفورماعا تۋريزم, مادەنيەت, سپورت جانە ساناتوري-كۋرورتتىق ماقساتتاعى نىساندار, دەمالىس ۇيلەرى بەلسەندى تۇردە قوسىلۋدا. قازىر كەلۋشىلەر مەن مەكەمە قىزمەتكەرلەرىنە ىڭعايلى بولۋ ءۇشىن Ashyq قوسىمشاسىن عانا ەمەس, سونىمەن قاتار اitu قوسىمشاسىن, Kaspi.kz جانە Halyk Homebank بانك قوسىمشالارىن دا قولدانۋعا بولادى, – دەيدى وبلىستىق كاسىپكەرلەر پالاتاسىنىڭ ديرەكتورى اسەت شاياحمەتوۆ.
ايتپاقشى, ايماقتاعى ەپيدەميالىق احۋال قالىپتى دەڭگەيدە بولعانىمەن, ىندەت بەلگىسى انىقتالىپ, دارىگەرلەردىڭ كومەگىنە جۇگىنگەن تۇرعىندار سانى تاۋلىك سايىن ءوسىپ وتىر. مىسالى, وتكەن اپتانىڭ سوڭىندا ۆيرۋس جۇقتىرعانداردىڭ سانى 37 ادامعا جەتكەن. ياعني ءبىر تاۋلىك ىشىندە تالدىقورعان قالاسىندا 11 ناۋقاس, تالعار اۋدانىندا 7 ناۋقاس, قاراساي اۋدانىندا 5 ناۋقاس, ىلە اۋدانىندا 4 ناۋقاس, جامبىل اۋدانىندا 3 ناۋقاس كومەككە جۇگىنسە, قاراتال جانە كوكسۋ اۋداندارىندا ىندەت جۇقتىرۋدىڭ 2 جاعدايى ەڭبەكشىقازاق, كەربۇلاق جانە ۇيعىر اۋداندارىندا ءبىر-ءبىر ادامنان كوروناۆيرۋس انىقتالىپتى. سونداي-اق وتكەن اپتادا 55 ادام ىندەتتەن جازىلىپ شىققان. ال قازىر وبلىس اۋرۋحانالارىندا 652 ادام ەم قابىلداپ جاتسا, ونىڭ ىشىندە 28 ناۋقاستىڭ جاعدايى اۋىر ەكەن. جالپى, ايماقتاعى جۇقپالى اۋرۋلار ستاتسيونارلارىنداعى ورىندار سانىنىڭ قاتىلۋى 32,1 پايىز شاماسىندا بولىپ وتىر.
مۇنان بولەك وڭىردە كوروناۆيرۋسقا قارسى ۆاكتسينا الۋ ءىسى دە قارقىندى جۇرۋدە. بۇگىندە ەكپەنىڭ ءبىرىنشى كومپونەنتىن العاندار سانى 283 006 ادامعا جەتكەن. ال تولىق ەگىلگەندەردىڭ تىزىمىندە 176 566 ادام تۇر. دەرەك بويىنشا, وبلىس اۋماعىندا كۇن سايىن
3 364 شاماسىنداعى تۇرعىن ىندەتكە قارسى ۆاكتسينا سالدىرۋعا ءوتىنىش بەرەدى ەكەن.
الماتى وبلىسى
