ايماقتار • 22 ماۋسىم، 2021

ءبىرجان سال ەلىندەگى بەرەكە

13 رەت كورسەتىلدى

ءوڭىر «قىزىل ايماقتىڭ» قۇرساۋىندا تۇرعان كەزدە اۋدان تۇرعىندارى ءبىر-بىرىنە قول ۇشىن سوزىپ، قامقور بولا ءبىلدى. ەل بولعان سوڭ كومەكتى قاجەت ەتەتىندەردىڭ دە كەزدەسىپ جاتۋى ابدەن مۇمكىن. ءبىر جاقسىسى، ولاردىڭ ەشقايسىسى قيىندىقپەن جالعىز الىسقان جوق. ەجەلدەن بىرلىگى بەكەم وڭىردە جان شۋاعىنىڭ جىلۋى سەزىلىپ تۇردى. اسىرەسە، جاس تولقىننىڭ جاناشىرلىعى ەگدە ادامداردىڭ سۇيىسپەنشىلىگىن تۋدىردى.

اعا بۋىن زامانىنىڭ وسى ءبىر قيىن كەزىندە ەل يىعىنا تۇس­كەن اۋىرتپالىقتى كا­تەپ­تى قارا نارداي بىرگە كوتە­رىسكەن جاس­تارعا، مەكتەپ وقۋ­شىلارىنا ءدان رازى بولىپ، اق باتالارىن بەردى. ءتالىمدى تاربيە الىپ، جاس قۇراقتاي جەتىلىپ كەلە جاتقان جاستار بولسا، ماقتاۋ-ماراپاتتاۋ ءۇشىن ەمەس، وزدەرىنىڭ جۇرەك قا­لا­­ۋى­مەن قاۋىپ-قاتەرگە قارا­­ماي، ىزگىلىكپەن ادىپتەلگەن ىزەت­تى ءىس-قيمىلدارىن ورىستەتە بەردى.

ءاربىر كوكىرەكتە قيىن ۋا­قىتتا قىسىلعان ادامدارعا قامقور بولسام ەكەن دەگەن ىزگى نيەت ەرىكتىلەر جىلىنىڭ اياسىندا كەڭىنەن ورىس­تەدى. اۋدان ورتالىعىنداعى №1 ورتا مەكتەپتىڭ ەرىكتىلەرى مەن جاس­تار رەسۋرستىق ورتالىعى ء«بىز بىرگەمىز» اكتسياسى اياسىندا كوپ ەڭبەك ەتتى.

جان شۋاعىن سەبەزگىلەيتىن، ەستىگەن جاننىڭ ەت جۇرەگىن ەلجى­رەتەتىن ناتيجەلى ءىس-قيمىل جاس تولقىننىڭ تاراپىنان جاسالۋى ءتىپتى قۋانىشتى. اۋدانداعى ما­كينكا، بۇلاندى دونسكوي، ماقپال ورتا مەك­تەپتەرىنىڭ وقۋشىلارى رەسپۋبليكالىق «قازاقستان – مەيىرىمدىلىك مەكەنى» اكتسيا­سىن بىردەن قولداپ اكەتتى. ەڭ الدىمەن مۇقيات ءتىزىم جاسالدى. ەرىكتى جاستار قول­داۋ-كومەكتى قاجەت ەتە­تىن ادام­داردىڭ نازاردان تىس قالىپ قوي­ماۋىنا ايرىقشا ءمان بەردى. جاقسىلىق جاساۋعا توپ­تاسقان جاس قاۋىم ءتىزىم بو­يىنشا مەكەنجايلارعا بارىپ، ولار­دىڭ وتىنىشتەرىن تىڭداپ، قولدان كەلەر كومەكتەن ايانىپ قالعان جوق. بۇل وڭىردە قار قالىڭ تۇسەدى. جالعىزىلىكتى جانداردى قىستا قينايتىن جاي دا وسى. وتكەن قىستا توپ-توپ بولىپ اۋلا ارشىعان جاس تولقىن جۇزدەگەن تەكشە مەتر قاردى ەلدى مەكەننىڭ سىرتىنا شىعارىپ بەردى.

دەرت دۇمەپ تۇرعان كەزدە الدىن الۋ ماقساتىندا جادىنامالار ۇلەستىرىپ، وبلىستىڭ باس سانيتارلىق دارىگەرىنىڭ كارانتين كەزىندەگى شەكتەۋ مەن تولىقتىرۋلار تۋرالى قاۋلىسىن تاراتىپ، جالپاق جۇرتتى قۇلاق­تاندىردى. سوزىلمالى سىرقاتى بار، قارعا ادىم جەر مۇڭ بولىپ وتىرعان قاريالارعا ەمحانادان تەگىن ءدارى-دارمەكتەردى اپارىپ بەرىپ، العىستارىن ارقالادى.

جاقسىلىق جاساۋدان اعا بۋىن دا شەت قالعان جوق. ما­سەلەن، «سەمىزباي-U» سەرىك­تەستىگى پروۆي­زورلىق ستاتسيو­نارعا 2 وتتەگى كوندەنساتورىن، 10 پۋلسوكسيمەتر، وندا­عان دانا كومبينەزون، مەدي­تسينالىق حالات، توسەكتىك ورىن جابدىقتارىن ساتىپ الىپ بەردى. جيناقتاي ايتقاندا، وسى زاتتار ءۇشىن سەرىكتەستىك 2،5 ملن تەڭگە قاراجاتىن جۇمسادى. ال ەل جايى دەسە ەلەڭدەپ تۇراتىن ەرىكتىلەر ءوز قولدارىمەن ادە­مى­لەپ، بەرىك ەتىپ بەتپەردەلەر تىگىپ، تۇرعىندارعا تەگىن تا­راتتى. كوپ بالالى جانە از قام­تىلعان وتباسىلارىنا، ەڭ­بەك ارداگەرلەرىنە قارجىلاي كو­مەك كورسەتتى، ازىق-ت ۇلىك سە­­بەتتەرىن تاراتتى.

وبلىستىق «جاس وتان» جاستار قاناتىنىڭ توراعاسى سۇلتانبەك بەكەشەۆ، «فەنيكس» ەرىكتىلەر ورتالىعىنىڭ جە­تەكشىسى سۇلتان جولدىباەۆ جاستارمەن سەمينار كەڭەستەر وتكىزدى. جيىن بارىسىندا ەل بىرلىگىن نىعايتا تۇسەتىن جاقسىلىق شاراپاتتىڭ يگى اسەرى تۋرالى اسەرلى اڭگىمەلەر ايتىلدى.

ءبىرجان سال ەلىندەگى بەرە­كەلى شارۋا ەڭ الدىمەن تۇتاس­تىقتى، ادامگەرشىلىكتىڭ ءدا­نى سەبىلگەن ايماقتا جاق­سى­لىقتىڭ جالاۋى بيىكتەپ تۇراتىنىن كورسەتىپ بەردى. جاناشىرلىق ىسىمەن وزگەگە ۇلگى-ونەگە بولعان جاستاردىڭ شارۋا­سى اتاپ ايتۋعا تۇرارلىق.

 

اقمولا وبلىسى،

ءبىرجان سال اۋدانى

 

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار