ەلىمىزدىڭ باس قالاسىندا قىزمەت ەتىپ جۇرگەن ءباسپاسوز سالاسىنىڭ 16 وكىلى تۋرنير كورىگىن قىزدىرىپ, تارتىستى ويىن ورنەگىن كورسەتتى. توپتىق كەزەڭنەن قارا ءۇزىپ شىققان 8 مىقتى ءوزارا باس جۇلدەنى ساراپقا سالدى. ناتيجەسىندە جىلدام ءارى تارتىمدى ويناعان «قازاق راديوسىنىڭ» ديكتورى مۇحاممەدالي بولات ۇلى قارسىلاس شاق كەلتىرمەي, جەڭىمپاز اتاندى. ال وعان ءسال عانا ۇپايى جەتپەي قالعان «Qazaqstan» ۇلتتىق ارناسىنىڭ ءتىلشىسى وڭعار الپىسباي ۇلى ەكىنشى ورىندى مىسە تۇتسا, ءۇشىنشى ورىن «ەگەمەن قازاقستان» گازەتىنىڭ ءجۋرناليسى الماس ماناپقا بۇيىردى. قالعان بەس قاتىسۋشىعا ىنتالاندىرۋ سىيلىقتارى بەرىلدى. جەڭىمپازداردى ماراپاتتاعان قمدب ءباسپاسوز حاتشىسى اعابەك قونارباي ۇلى مەن «مۇنارا» گازەتىنىڭ باس رەداكتورى سەرىكبول حاسان تۋرنيرگە قاتىسۋشىلارعا العىستارىن ءبىلدىردى.
