ايماقتار • 21 ماۋسىم، 2021

جامبىلدا سۋ قورى جەتكىلىكتى – ب.ساپارباەۆ

502 رەت كورسەتىلدى

جامبىل وبلىسىندا قۋاڭشىلىقتىڭ الدىن الۋ ءۇشىن قانداي شارالار اتقارىلىپ جاتقانىن ايماق باسشىسى بەردىبەك ساپارباەۆ ايتىپ بەردى، دەپ حابارلايدى Egemen.kz.

ء«بىزدىڭ ايماققا 1 مرلد 800 ملن تەكشە مەتر سۋ قاجەت، ونىڭ 80 پايىزىن ءبىز قىرعىز ەلىنەن الامىز جانە وبلىس اۋماعىندا 3 سۋ قويماسى بار. وتكەن جىلى 2 سۋ قويماعا وندىرىستىك قۋاتىن ارتتىرۋ ماقساتىندا جوندەۋ جۇمىسىن جۇرگىزدىك. ەندىگى ۋاقىتتا سول 2 سۋ قويمانى بارىنشا پايدالانىپ، وزەن-كولدەردى سۋمەن تولتىرۋىمىز كەرەك»، دەدى بەردىبەك ساپارباەۆ وكق-دە وتكەن ءباسپاسوز ءماسليحاتىندا.

اكىمنىڭ سوزىنە سەنسەك، اتالعان وڭىردە سۋ قورى جەتكىلىكتى.

«بىزدە 600 سۋ ۇڭعىماسى بار. 10 مىڭ گەكتارعا جۋىق جەردى جەراستى سۋىمەن قامتاماسىز ەتە الامىز. بۇگىندە الماتىداعى اۋىل شارۋاشىلىق عىلىمي ينستيتۋتىمەن بىرگە جۇمىس ىستەپ جاتىرمىز. ارينە، بۇل جەردە جاڭا تەحنولوگيانىڭ كومەگىنسىز بولمايدى. ول دەگەنىمىز – زاماناۋي تەحنولوگيانىڭ كومەگىمەن ىلعالدى ساقتاۋ، جاڭبىردى پايدالانۋ جانە تاعى سول سياقتى. سونىمەن قاتار شارۋا قوجالىقتارىنا دا سۋدى كەزەكپەن جانە ەسەپتەپ بەرەتىن بولامىز. ياعني، بارلىعىنا بىردەي جەتۋى ءۇشىن. اسىرەسە بۇل قورداي، جامبىل جانە بايزاق اۋداندارىنا قاتىستى. سەبەبى اتالعان اۋداندار سۋ ماسەلەسىنە كەلگەندە قىرعىز ەلىنە تاۋەلدى»، دەيدى ول.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار