«وڭىرلىك ساياساتتىڭ ماڭىزدى بولىگى - سۋبۆەنتسيالاردى ءبولۋ جانە الىپ قويۋدى بەلگىلەۋ. ءاۋديتتىڭ پىكىرىنشە, ءادىسنامانىڭ ءوزىن جەتىلدىرۋ كەرەك. سەبەبى جالپى سيپاتتاعى ترانسفەرتتەردىڭ ماقساتى – بيۋدجەتتى تەڭەستىرۋ دە دۇرىس ايقىندالماعان. مۇمكىن, بيۋدجەتارالىق اۋدارىمداردىڭ ماقساتى ءارتۇرلى وڭىرلەردەگى ادامداردىڭ ءومىر ءسۇرۋ جاعدايلارىن تەڭەستىرۋ بولۋى كەرەك شىعار. سونداي-اق جەرگىلىكتى بيۋدجەتتەرگە تۇسەتىن تۇسىمدەردى بولجاۋ جۇيەسىن جەتىلدىرۋ قاجەت», دەدى ول.
«سالىق الەۋەتىن دامىتۋدا ىنتالاندىرۋ بولۋى ءتيىس. سوسىن رەسپۋبليكالىق جانە جەرگىلىكتى بيۋدجەتتەر اراسىندا بيۋدجەت قاراجاتىنىڭ قارسى اعىنىن قىسقارتۋ قاجەت. ماسەلە وتە ماڭىزدى ءارى كۇردەلى. مەملەكەت باسشىسىنىڭ تاپسىرماسى بويىنشا بۇل ماسەلە رەفورمالار جونىندەگى جوعارى كەڭەستىڭ قاراۋىنا ەنگىزىلەتىن بولادى», دەدى ناتاليا گودۋنوۆا.
