قوعام • 21 ماۋسىم، 2021

قازاقستاندىقتاردىڭ ورتاشا تابىسى انىقتالدى

39 رەت كورسەتىلدى

وسى جىلدىڭ ءبىرىنشى توقسانىندا حالىقتىڭ اقشالاي كىرىسى جان باسىنا شاققاندا ورتا ەسەپپەن 196،5 مىڭ تەڭگەنى قۇرادى، دەپ حابارلايدى Egemen.kz.

بۇل وتكەن جىلدىڭ سايكەس كەزەڭىمەن سالىستىرعاندا 10،8 پايىزعا ارتىق.

قازاقستان وڭىرلەرىنىڭ اراسىندا تابىستى كوپ تاباتىندار مەگاپوليستەردە، نۇر-سۇلتان (275،9 مىڭ تەڭگە) جانە الماتىدا (246،8 مىڭ تەڭگە) تىركەلدى. 2021 جىلدىڭ ءبىرىنشى توقسانىندا ورتا ەسەپپەن جان باسىنا شاققاندا 246 مىڭ تەڭگە كورسەتكىشىمەن قاراعاندى وبلىسى الماتىدان ءسال ارتتا قالدى.

تابىسى ەڭ تومەن - تۇركىستان وبلىسىنىڭ تۇرعىندارى: 121،8 مىڭ تەڭگە. بۇل جەتەكشى نۇر-سۇلتانعا قاراعاندا 2،3 ەسە از جانە قازاقستان وڭىرلەرى اراسىنداعى كىرىس دەڭگەيى بويىنشا سوڭعىلاردىڭ قاتارىندا تۇرعان جامبىل وبلىسىنان (151،8 مىڭ تەڭگە) 20 پايىزعا از.

2021 جىلدىڭ ءبىرىنشى توقسانىندا حالىقتىڭ اقشالاي تابىسىنىڭ ۇشتەن ەكىسىنەن استامى ەڭبەك قىزمەتىنەن تۇسكەن تابىستارعا تيەسىلى: 136،5 مىڭ تەڭگە، ونىڭ 119،1 مىڭى - جالدامالى جۇمىستان، 17،4 مىڭى - ءوزىن جۇمىسپەن قامتۋدان جانە كاسىپكەرلىك قىزمەتتەن.

ال الەۋمەتتىك ترانسفەرتتەر بويىنشا - 30 پايىزدان از. ونىڭ ىشىندە 43،7 مىڭ تەڭگە - زەينەتاقى، ال جاردەماقى، شاكىرتاقىلار، ااك جانە تۇرعىن ءۇي كومەگى 9،1 مىڭ تەڭگە بولدى.

ايىرماشىلىق  قالا تۇرعىندارىنىڭ پايداسىنا 2020 جىلعى 40،4 پايىزدان 37،7 پايىزعا دەيىن تومەندەدى.

قالالىق جەرلەردە حالىقتىڭ تابىسى 9،9 پايىزعا، ورتا ەسەپپەن جان باسىنا شاققاندا 221،3 مىڭ تەڭگەگە دەيىن، ال اۋىلدىق جەرلەردە 12،1 پايىزعا، 160،6 مىڭ تەڭگەگە دەيىن ءوستى.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار