تاليبان قوزعالىسى وتكەن اپتادا 40-قا جۋىق اۋداندى باسىپ العان. مينيسترلەردى قىزمەتىنەن بوساتۋعا حالىق سانى ءوسىپ, كوشى-قوندى رەتتەۋ مۇمكىن بولماي, تاليبتەرمەن كەلىسىم كۇننەن-كۇنگە قيىنداپ جاتقانى سەبەپ بولدى دەيدى پرەزيدەنت اكىمشىلىگى. پرەزيدەنت جاڭا مينيستر رەتىندە 1990-جىلدارداعى ازاماتتىق سوعىستا تاليبتەرگە قارسى سوعىسقان قولباسشى احماد شاح ماسۋدتىڭ قول استىندا بولعان گەنەرال بيسميللياح حان ءمۇحامماديدى تاعايىنداعانىن مالىمدەدى. ول 2018 جىلدان بەرى قۇرىلىمدى باسقارىپ كەلگەن اسادۋللاح ءحاليدتىڭ ورنىنا كەلدى. ال ىشكى ىستەر ءمينيسترى رەتىندە عاني اكىمشىلىگى گەنەرال ابدۋل ساتتار ميرزاكۋالدى تاعايىندادى. بۇل شەشىمدى ەل پارلامەنتى دە قولدادى.
ەستەرىڭىزدە بولسا, قىركۇيەكتىڭ 11-ىندەگى قاندى وقيعاعا 20 جىل تولۋىنا وراي اقش پرەزيدەنتى دجو بايدەن اۋعانستانداعى اسكەردى قايتارۋدى ماقسات ەتكەن-ءدى. پەنتاگون شەشىم قابىلداعاننان كەيىن تاليبان مەملەكەتتىك كۇشتەرگە قارسى سوققىلارىن باسەڭدەتتى. دەگەنمەن وتكەن اپتادا تاعى دا 6 اۋداننىڭ تاليبتەرگە وتكەنى ءمالىم بولدى. بۇل مەملەكەتتىك قۇرىلىمداردى, حالىقتى ەۆاكۋاتسيالاۋعا ءماجبۇر ەتتى.
يراننىڭ جاڭا پرەزيدەنتى بەلگىلى بولدى
يرانداعى پرەزيدەنت سايلاۋى مارەسىنە جەتتى. ەلدىڭ جوعارعى سوتىنىڭ باسشىسى ەبراحيم رايسي ساياسي دودادا باسىم ءتۇستى.
رەسمي دەرەكتەرگە سۇيەنسەك, رايسي 17,9 ملن داۋىس جيناعان. سايلاۋدا 28,9 ملن ازامات داۋىس بەرگەنىن ەسكەرسەك, بۇل 62 پايىزدى بىلدىرەدى. ودان كەيىنگى ورىندى رەۆوليۋتسيا ساقشىلارىنىڭ باسشىسى موحسەن رەزان ەنشىلەدى. ول 3,4 ملن داۋىس جينادى. ورتالىق بانكتىڭ بۇرىنعى باسشىسى ابدولناسسەر حەمماتي 2,4 ملن داۋىس جيناسا, امير حوسەين گازيزادە حاشەميدى 1 ملن سايلاۋشى قولداعان. داۋىس ساناۋ بارىسىندا 4 ملن داۋىستىڭ جارامسىز ەكەنى ءمالىم بولدى. ەل پوليتسياسى رەسپۋبليكا بويىنشا ونداعان ادامدى ۇستاعان. ولار ەرەجە بۇزۋمەن قاتار, سايلاۋدىڭ وتۋىنە كەدەرگى كەلتىرمەك بولعان.
ەسكەرەتىن تاعى ءبىر جايت – بۇل سايلاۋعا شەتەلدىك بايقاۋشىلار شاقىرىلماعان. وعان قوسا, كەيبىر ۋچاسكەلەردە تەحنيكالىق اقاۋلارعا بايلانىستى داۋىس بەرۋ توقتاتىلعان. كەي ۋچاسكەلەردە بيۋللەتەن جەتپەي قالىپتى.
