قازاقستان • 20 ماۋسىم، 2021

«جاسىل ايماق» جاسىل جايلاۋ ەمەس

88 رەت كورسەتىلدى

الەۋمەتتىك جەلىلەردە جەرگىلىكتى جۇرت كارتوپ قىمباتتاعانىن جارىسا جازىپ ءجۇر ەدى. ەندى ەپيدەميالىق احۋالدىڭ جاقسارا تۇسۋىنە بايلانىستى وسى سەنبىدەن، ياعني 19 ماۋسىمنان باستاپ وبلىس ورتالىعىندا اۋىلشارۋاشىلىق جارمەڭكەسىنىڭ وتكىزىلۋىنە رۇقسات ەتىلدى.

وبلىستىق سانيتاريالىق-ەپيدەميو­لوگيالىق باقىلاۋ دەپارتامەنتىنىڭ مالى­مە­تىن­شە، ءوڭىردىڭ ىندەتتىڭ تارالۋ بارىسىن زەرتتەيتىن زەرتحانالارى 520 212 پتر تەست وتكىزگەن، ونىڭ ىشىندە تاۋلىگىنە 2 مىڭعا جۋىق زەرتتەۋ جاسالىپ جاتىر.

بۇعان دەيىن «سارى ايماقتا» بولعان وڭىرىمىزدە ىندەت جۇقتىرۋ كورسەتكىشى كۇن سايىن ازايا باستاعان. اپتالىق ءوسىم دە كەمىگەن. بۇل تۋرالى وڭىرلىك كوممۋنيكاتسيا قىزمەتىندە وتكەن بريفينگتە وبلىستىق سانيتاريالىق-ەپيدەميولوگيالىق با­قى­لاۋ دەپارتامەنتىنىڭ باسشىسى باتىربەك اليەۆ ءمالىم ەتتى.

مىسالى، 1-7 ماۋسىم ارالىعىندا 405 ادام ىندەت جۇقتىرسا، 25-31 مامىر ارالىعىندا بۇل كورسەتكىش 590 بولعان. ال اپتالىق ءوسىم كورسەتكىشى 1،6 پايىزعا تومەندەگەن. ۋسپەن، پاۆلودار، باياناۋىل، تەرەڭكول، ماي جانە ەرتىس اۋداندارى «جاسىل ايماقتا»، پاۆلودار، ەكىباستۇز، اقسۋ قالالارى مەن شارباقتى اۋدانى «سارى ايماقتا» بولسا، اقتوعاي مەن جەلەزين اۋداندارى ازىرگە «قىزىل ايماقتا» قالدى.

وبلىستىق دەنساۋلىق ساقتاۋ باسقار­ماسىنىڭ باسشىسى ايدار سەيىتقازي­نوۆتىڭ سوزىنشە، وبلىستا 575 ناۋقاس ستاتسيوناردا ەم قابىلداۋدا. ينفەكتسيالىق ورىنداردىڭ جۇكتەمەسى 27 پايىزدى، جان ساقتاۋ بولىمدەرىنىڭ جۇكتەمەسى 12 پايىزدى قۇرايدى.

«بيىل 1 اقپاننان باستاپ وڭىرگە ۆاك­تسينانىڭ العاشقى كومپونەنتىنىڭ 116 635 دوزاسى جەتكىزىلگەن. ەكىنشى كوم­پو­نەنتتىڭ 74 315 دوزاسى تۇسكەن. قازىر ءوڭىر تۇرعىندارىنا سپۋتنيك V، QazVac جانە Hayat-Vax ۆاكتسينالارى ەگىلۋدە. ۆاك­تسينالاۋ شاراسىن جۇرگىزۋ ءۇشىن مەدي­تسينالىق مەكەمەلەردە 103 ەگۋ كابي­نەتى جۇمىس ىستەيدى. ساۋدا ورىندارىندا جىلجىمالى بولىمشە ماماندارى تۇرعىندارعا ەكپە سالۋدا. ايماقتا ۆاك­تسينانىڭ العاشقى كومپونەنتىن 88 631 ادام السا، 46 307 ادام ەكىنشى كومپو­نەنتتى قابىلدادى. ونىڭ ىشىندە 70 مىڭ­نان اسا ادام سپۋتنيك V ۆاكتسيناسىن العان. ماۋسىم ايىنىڭ ورتاسىندا رەسەيلىك ۆاكتسينانىڭ العاشقى كومپو­نەنتىنىڭ 50 مىڭعا جۋىق داناسى كەلەدى»، دەيدى ا.سەيىتقازينوۆ.

جىل باسىنان بەرى وڭىردە كوپشىلىگى سوزىلمالى سىرقات تۇرلەرىمەن اۋىرعان 109 ادام ىندەتتەن كوز جۇمعان. ءتىپتى ەكپە العان 50-گە جۋىق ادام قايتادان ىندەت جۇقتىرىپ العان. بىراق ولاردىڭ اعزا­لارىنداعى ىندەت جۇقتىرۋ بارىسى جەڭىل تۇردە وتكەن.

ء«يا، سپۋتنيك V ۆاكتسيناسىنىڭ ال­عاش­قى كومپونەنتىن العان ادامداردىڭ ىشىندە ىندەت جۇقتىرعاندار كەزدەستى. ولار ەكپە الۋ كەزىندە سيمپتومسىز بەل­گىسىنە شالدىعۋى مۇمكىن نەمەسە ىندەت جۇقتىرعان ناۋقاستارمەن بايلانىستا بولعاندار. وڭىردە 70 مىڭنان اسا ادام ەكپە العان. وكىنىشە قاراي، بۇل – وتە تومەن كورسەتكىش»، دەدى ا.سەيىتقازينوۆ.

ال «جاسىل ايماققا» وتكەنىمىز جايلى وبلىستىق سانيتاريالىق-ەپي­دەميولوگيالىق باقىلاۋ دەپار­تامەنتىنىڭ باسشىسى با­تىر­بەك اليەۆ ءمالىم ەتتى. قازىرگى كەزدە وڭىردە 37 ادام­نىڭ ىندەت جۇقتىرعانى انىق­تالسا، ونىڭ 10-ى سيمپتومسىز تۇرى­مەن اۋىرعان.

ء«وڭىرىمىزدىڭ «جاسىل ايماققا» ەن­گەنىنە قازىر ءبىر اپتاداي ۋاقىت ءوتتى. بىراق ەپيدەميالىق جاعداي ءالى دە كۇردەلى دەپ ايتۋعا بولادى. ساقتانۋ قاجەت. تۇر­عىن­دار ادام كوپ جينالاتىن ورىنداردا الەۋمەتتىك قاشىقتىقتى ساقتاپ، مەدي­تسي­نالىق ماسكا تاعۋى كەرەك. ويتكەنى جاع­دايدىڭ جاقسارۋى جۇرتشىلىقتىڭ ساقتانۋ ارەكەتىنە تىكەلەي بايلانىستى. ەپي­دەميالىق احۋال الداعى ءبىر اپتا كولە­مىندە باقىلانادى. ەگەر ىندەت جۇقتىرۋ­شىلار سانى ازايا تۇسسە، كارانتين شارالارى دا جەڭىلدەتىلەدى»، دەيدى ب.اليەۆ.

ياعني كارانتين شارالارى جەڭىلدەيتىن بولسا، قوعامدىق تاماقتانۋ ورىندارىنىڭ قىزمەت كورسەتۋ ۋاقىتى ۇزارتىلىپ، مەكەمە قىزمەتكەرلەرىنىڭ 70 پايىزى ءداستۇرلى جۇمىس فورماتىنا كوشەدى.

وبلىستىق دەنساۋلىق ساقتاۋ باس­قار­ماسىنىڭ ءباسپاسوز قىزمەتىنىڭ مالى­مەتىنشە، قازىر وڭىرىمىزگە ۆاكتسينالاردىڭ جاڭا پارتياسى جەتكىزىلدى، بۇل – سپۋت­نيكV ۆاكتسيناسىنىڭ ءبىرىنشى جانە ەكىنشى كوم­پونەنتتەرى. ناقتىراق ايتقاندا، ءبى­رىنشى كومپونەنتىنەن 12 150 دوزا، ەكىن­شىسىنەن 25 435 دوزا كەلدى.

باسقارمانىڭ ەمدەۋ ءبولىمىنىڭ باسشىسى ايگۇل مۇقىشەۆا اتاپ وتكەندەي، بۇگىندە 18 جاستان اسقان وبلىس حالقىنىڭ جالپى سانىنىڭ 16،5 پايىزى ەكپەنىڭ ءبىرىنشى كومپونەنتىن، ال 9،9 پايىزى ەكەۋىن دە سالدىرىپ ۇلگەردى.

«بولجامدارعا سايكەس ۆاكتسينالاۋ قىركۇيەكتە اياقتالۋعا ءتيىس. سول كەزدە وبلىس حالقىنىڭ 60 پايىزى ەكپە الىپ شىعۋى كەرەك، ياعني ىندەتكە دەيىنگى تىرشىلىككە قايتا ورالۋ ءۇشىن ۇجىمدىق يممۋنيتەت قالىپتاسۋى قاجەت. ءبىرىنشى كەزەكتە تۇرعىندار ەكپە الۋدا نەعۇرلىم بەلسەندىلىك تانىتسا، سوعۇرلىم ۆاكتسينالاۋ ۋاقىتى جىلدام اياقتالادى»، دەدى ا.مۇقىشەۆا

مەديتسينا قىزمەتكەرلەرى مەن بارلىق دەڭگەيدەگى اكىمدەر جەرگىلىكتى جەردە ىندەت تارالماۋىنا بايلانىستى قاۋىپسىزدىك شارالارىن جۇرگىزۋدە. بۇل ماسەلە وبلىستىق اكىمدىكتىڭ جەدەل شتاب وتىرىسىندا اپتا سايىن تالقىلانۋدا. سوندىقتان تۇرعىندار اراسىندا دۇربەلەڭ تۋىنداماس ءۇشىن ەكپە سالدىراتىن ورىندار تۋرالى اقپارات دەر كەزىندە تاراتىلۋى كەرەك. قالالار مەن اۋدانداردىڭ اكىمدەرىنە بارلىق ەگۋ پۋنكتىن ارالاپ، ولاردىڭ جۇمىسىن ۇزدىكسىز باقىلايتىن تۇراقتى توپتار قۇرۋ تاپسىرىلدى.

 

پاۆلودار وبلىسى

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار