قوعام • 19 ماۋسىم، 2021

ءو.شوكەەۆ «كەرۋەن سارايىنا» قاتىستى سىنعا جاۋاپ بەردى

1004 رەت كورسەتىلدى

تۇركىستان وبلىسىنىڭ اكىمى ومىرزاق شوكەەۆ ورتالىق كوممۋنيكاتسيالار قىزمەتىنىڭ كوشپەلى بريفينگىندە «كەرۋەن ساراي» نىسانىن سالۋدا قانداي قۇرىلىس ماتەريالدارى قولدانىلعانىن ايتتى، دەپ جازادى Egemen.kz.

«ول جەردە كۇن سايىن ءجۇردىم. ول تەمىر-بەتوننان، ارماتۋرادان سالىنعان. بۇل جەردە بارلىعى دا وڭىردە سەيسميكالىق قاۋىپ تومەن بولعاندىعىنا قاراماستان ۇلكەن ساقتىقپەن جوسپارلانعان. ارينە، ءارتۇرلى ىشكى ماتەريالدار، قابىرعا ماتەريالدارى قولدانىلعان. كەلۋشىلەردىڭ ءبىرى سول ماتەريالدى بايقاپ قالىپ، بۇكىل كەرۋەن ساراي سونىمەن سالىنعان دەپ ويلاپتى. بۇل قاراپايىم ماتەريال. ەگەر ول قۇرىلىستان حابارى بولسا مۇنداي جازبايتىن ەدى. جالپى، Sembol الەمدىك كومپانيا سانالادى. ول ءوزىنىڭ ابىرويىن قاتتى باعالايدى. ولار مۇنداي جايت ءۇشىن ابىرويلارىنا كەلگەن نۇقسانعا بايلانىستى جاۋاپقا دا تارتۋى مۇمكىن»،  دەدى ومىرزاق شوكەەۆ.

سونداي-اق ول مۇنداي ماتەريالدار قۇرىلىستا نەلىكتەن ءجيى قولدانىلاتىنىن ءتۇسىندىردى.

«ول وتە ارزان ءارى ءتيىمدى. جالپى، قازىرگى الەمدە بارلىعى پلاتماسسادان جاسالادى. مىنا ۇستەل، قالامساپ، ميكروفون پلاستماسسادان جاسالعان. سوندىقتان مەنىڭشە، جوق جەردەن تۇسىنىكسىز حايپ جاساپ وتىر. مۇنداي جايتتى ايتقان كەزدە جاۋاپكەرشىلىكتىڭ دە بولعانى دۇرىس-اۋ. ويتكەنى، ءبىز تۋريستەردى تارتقىمىز كەلەدى. شەتەلدىك ينۆەستورلاردىڭ قاراجاتىن تارتۋعا ۇمتىلامىز»، دەدى وبلىس باسشىسى.

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار