مالىمەتتەرگە سايكەس, ۋكرايناداعى سىبايلاس جەمقورلىققا قارسى ورگاندار – ۋكراينانىڭ ۇلتتىق انتيكوررۋپتسيالىق بيۋروسى جانە مامانداندىرىلعان انتيكوررۋپتسيالىق پروكۋراتۋرا ونىڭ ءىسىن تەكسەرىپ جاتىر دەگەن بولجام بار. سونداي-اق دەرەككوزدەر بۇل جاعداي ۆلاديمير زەلەنسكيگە بەلگىلى بولۋى مۇمكىن ەكەنىن جانە قاۋىپسىزدىك شارالارى كۇشەيتىلگەنىن العا تارتادى.
زەلەنسكي: رەسەي شابۋىل وپەراتسيالارىن جوسپارلاپ, موبيليزاتسيانى كەڭەيتۋدى كوزدەپ وتىر
الايدا ۋكراينانىڭ سىبايلاس جەمقورلىققا قارسى ۇلتتىق بيۋروسى مەن مامانداندىرىلعان سىبايلاس جەمقورلىققا قارسى پروكۋراتۋراسى پرەزيدەنت جۇبايىنا قاتىستى ەشقانداي تەرگەۋ ارەكەتتەرى جۇرگىزىلمەيتىنىن مالىمدەدى.
ولاردىڭ مالىمەتىنشە, زەلەنسكاياعا قاتىستى «تەرگەۋ ءجۇرىپ جاتىر» دەگەن اقپاراتتار رەسەيلىك جانە رەسەيشىل باق-تا ادەيى تاراتىلىپ جاتقان جالعان اقپاراتتىڭ ءبىر بولىگى بولىپ سانالادى.
ۋكراينا انتيكوررۋپتسيالىق ورگاندارى مۇنداي اقپاراتتىق شابۋىلداردىڭ ماقساتى – ەلدەگى مەملەكەتتىك ينستيتۋتتاردىڭ بەدەلىنە نۇقسان كەلتىرۋ, قوعامداعى تۇراقتىلىقتى السىرەتۋ جانە سوعىس جاعدايىنداعى ەل بىرلىگىنە سىزات ءتۇسىرۋ ەكەنىن اتاپ ءوتتى. ۆەدومستۆولار ازاماتتاردى فەيك اقپارات پەن مانيپۋلياتسيالاردى تاراتپاۋعا شاقىردى.
مامانداندىرىلعان سىبايلاس جەمقورلىققا قارسى پروكۋراتۋرا وكىلدەرى دە رەسەي پروپاگانداسى بۇعان دەيىن بىرنەشە رەت انتيكوررۋپتسيالىق تەرگەۋلەردى ۋكرايناداعى ىشكى جاعدايدى تۇراقسىزداندىرۋ قۇرالى رەتىندە پايدالانۋعا تىرىسقانىن مالىمدەدى.
