الماتىلىقتار ماتچتىڭ ەكىنشى تايمىندا بەلسەندى ويناپ, الدىمەن ويۆا يۋككولا ەسەپ اشتى, كەيىن جورجينو ەسەپتى ەسەلەي ءتۇستى. ويىن سوڭىندا «قايرات» قورعاۋشىسى الەكساندر شيروبوكوۆ ءوز قاقپاسىنا گول سوعىپ, ەسەپ 2:1 بولىپ اياقتالدى.
پەتروپاۆلدا «قىزىلجار» مەن «التاي» كەزدەسۋىندە قوناقتار 2:1 ەسەبىمەن جەڭىسكە جەتتى. سوڭعى مينۋتتاردا ءۇش گول سوعىلىپ, «التاي» پرەمەر-ليگاداعى العاشقى جەڭىسىنە قول جەتكىزدى.
كوماندانى چەمپيوندار ليگاسىنىڭ شيرەك فينالىنا جەتكىزگەن باس باپكەر «قايراتتان» نەگە كەتتى؟
«اقتوبە»ء وز الاڭىندا «اتىراۋمەن» 1:1 ەسەبىمەن تەڭ ءتۇستى. قوناقتار ءبىرىنشى بولىپ ەسەپ اشسا, الاڭ يەلەرى جاس ويىنشىنىڭ گولىمەن جاۋاپ قايتاردى.
قىزىلوردادا «قايسار» كومانداسى «توبىلدى» 2:1 ەسەبىمەن جەڭدى. ايبول ابىكەن العاشقى مينۋتتاردا دۋبل جاساپ, كومانداسىنا ماڭىزدى جەڭىس سىيلادى.
شىمكەنتتە «ورداباسى» «جەتىسۋ» كلۋبىن 2:1 ەسەبىمەن ۇتتى. جەڭىس گولى قوسىمشا ۋاقىتتا پەنالتيدەن سوعىلدى.
باسقا ماتچتاردا:
- « ۇلىتاۋ» – «كاسپي» 1:0
- «وقجەتپەس» – «استانا» 1:0
- «ەرتىس» – «ەلىماي» 2:2
10-تۋر تارتىستى ءوتىپ, بىرنەشە كوماندا العاش رەت جەڭىسكە جەتتى. كەلەسى, 11-تۋر ويىندارى 22–23 مامىر كۇندەرىنە جوسپارلانعان.
