قازاقستان • 19 ماۋسىم، 2021

19 ماۋسىم – اۋە شابۋىلىنا قارسى قورعانىس اسكەرلەرىنىڭ قۇرىلعان كۇنى

19 رەت كورسەتىلدى

1992 جىلعى 19 ماۋسىمدا قازاقستاننىڭ تۇڭعىش قورعانىس ءمينيسترى ساعادات قوجاحمەت ۇلى نۇرماعامبەتوۆ اۋە شابۋىلىنا قارسى قورعانىس اسكەرلەرىن قۇرۋ تۋرالى ديرەكتيۆاعا قول قويدى.

اسكەرلەردىڭ قۇرامىنا قازاقستان اۋماعىندا ورنالاسقان اشقق قۇرالىمدارى مەن بولىمدەرىنىڭ 37 كورپۋسى – زەنيت، زىمىران، راديوتەحنيكا جانە اۆياتسيا بولىمدەرى، سونداي-اق اۋە ايلاقتىق-تەحنيكالىق بولىمشەلەر، بايلانىس جانە راديوتەحنيكالىق قامتاماسىز ەتۋ باتالونى كىردى.

بۇل اسكەر تەگىنىڭ نەگىزىن قالاۋشىلار – حالىق قاھارمانى، ارميا گەنەرالى مۇحتار التىنباەۆ، گەنەرال-مايور اناتولي ۆاسيموۆ، گەنەرال-لەيتەنانت وقاس ساپاروۆ، گەنەرال-مايور نۇرجان مۇقانوۆ جانە باسقا دا تۇلعالار.

1998 جىلى اۋە شابۋىلىنا قارسى قورعانىس اسكەرلەرىنىڭ اۋە قورعانىسى كۇشتەرىنىڭ قۇرامىنا كىردى.

اۋە شابۋىلىنا قارسى قورعانىس اسكەرلەرى اۋە نىسانالارىن بيىكتىك پەن جىلدامدىقتىڭ بارلىق اۋقىمىندا دەر كەزىندە انىقتاۋعا جانە زاقىمداۋعا قابىلەتتى سوڭعى ۇلگىدەگى زەنيتتىك-زىمىران كەشەندەرىمەن جانە بارلاۋ قۇرالدارىمەن جاراقتالعان.

2020 جىلى اۋە شابۋىلىنا قارسى قورعانىس اسكەرلەرىن قايتا جاراقتاندىرۋ باعدارلاماسىنا سايكەس «بۋك-م2ە» جاڭا زەنيتتىك زىمىران كەشەنى اكەلىندى. بۇعان دەيىن قازاقستاندا وندىرىلگەن GM-403 «نۇر» جانە قازاقستاننىڭ بارلىق اۋە كەڭىستىگىن باقىلاۋعا مۇمكىندىك بەرەتىن «روسا-رب» زاماناۋي راديولوكاتسيالىق ستانتسيالارى پايدالانۋعا بەرىلدى.

اتالمىش اسكەرلەرگە ەلدىڭ اكىمشىلىك-ساياسي، ونەركاسىپتىك-ەكونوميكالىق اۋداندارىن اۋە سوققىسىنان قورعاۋ، اۋە قارسىلاسىنا قارسى كۇرەس جۇرگىزۋ، ورنالاسۋ پۋنكتتەرى مەن جىلجىتۋ باعىتىنداعى قۇرلىق اسكەرلەرىنىڭ توپتارىن، ماڭىزدى اسكەري جانە باسقا دا نىسانداردى اۆياتسيا جانە ۇشقىشسىز ۇشۋ اپپاراتتارىنىڭ سوققىلارىنان قورعاۋ مىندەتتەرى جۇكتەلگەن.

اۋە شابۋىلۋىنا قارسى قورعانىس اسكەرلەرىنىڭ جەكە قۇرامى تاۋلىك بويى جاۋىنگەرلىك كەزەكشىلىك اتقارىپ، اۋە كەڭىستىگىن پايدالانۋ ەرەجەسىن ساقتاۋدى ۇزدىكسىز باقىلايدى.

سوڭعى جاڭالىقتار

جەڭىس داۋىسى

تاريح • بۇگىن، 23:43

سۋرەتشى ساياساتكەر

ونەر • بۇگىن، 23:17

تورتەۋ تۇگەل بولسا...

TOKYO2020 • بۇگىن، 23:10

ەل ەلەناعا ەلەڭدەپ ەدى...

TOKYO2020 • بۇگىن، 22:59

قايتا ورالعان قولجازبالار

ونەر • بۇگىن، 22:16

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار