وقيعا • 18 ماۋسىم، 2021

قوسشى اۋىلىنا قالا مارتەبەسى قاشان بەرىلەدى؟

32 رەت كورسەتىلدى

قوسشى اۋىلىنا وبلىستىق ماڭىزى بار قالا مارتەبەسى بەرىلەدى. بۇل تۋرالى اقمولا وبلىسىنىڭ اكىمى ەرمەك مارجىقپاەۆ مالىمدەدى، دەپ حابارلايدى Egemen.kz.

«بۇگىنگى تاڭدا قوسشى اۋىلى قارقىندى دامىپ كەلەدى. تيىسىنشە قوسىمشا ينفراقۇرىلىم قاجەت»، دەدى وبلىس اكىمى ورتالىق كوممۋنيكاتسيالار قىزمەتىندە وتكەن بريفينگتە.

اكىمنىڭ ايتۋىنشا، اۋىلعا وبلىستىق ماڭىزى بار قالا مارتەبەسىن بەرۋدى قاراستىراتىن الگوريتم ازىرلەندى.

اۋىلعا وبلىستىق ماڭىزى بار قالا مارتبەسىن بەرۋ تۋرالى قۇجاتتى ازىرلەۋگە قوسشى اۋىلدىق وكرۋگىنىڭ جەرگىلىكتى قوعامداستىق جينالىسىنىڭ حاتتاماسى نەگىز بولدى. پرەزيدەنت جارلىعىنىڭ جوباسى «اشىق نورماتيۆتىك-قۇقىقتىق اكتىلەر پورتالىندا» جاريالاندى.

وندا: «قوسشى اۋىلىنىڭ قازىرگى جاعدايى مەن دامۋ بولاشاعى ونىڭ مارتەبەسىن كوتەرۋ قاجەتتىگىن كورسەتەدى. اۋىلعا قالا مارتەبەسىن بەرۋ جىلجىمايتىن م ۇلىكتىڭ وتىمدىلىگىن، كاسىپكەرلەر مەن تۇرعىندار ءۇشىن كاسىپ قۇرۋ مەن ونى دامىتۋعا ارنالعان نەسيە رەسۋرستارىنا قولجەتىمدىلىكتى ارتتىرادى» دەلىنگەن.

ايتا كەتسەك، قوسشى اقمولا وبلىسىنىڭ تسەلينوگراد اۋدانىندا ورنالاسقان. اۋىلدىڭ جالپى اۋماعى – 2 413 گەكتار، حالىق سانى  50 مىڭنان اسادى.

 

بوتاگوز امالبەك

سوڭعى جاڭالىقتار

ۇقساس جاڭالىقتار