وقيعا • 18 ماۋسىم، 2021

يراننان زاڭسىز تەمەكى تاسىمالداعان قىلمىستىق توپ مۇشەلەرى سوتتالدى

11 رەت كورسەتىلدى

اقتاۋدا يراننان تەمەكىنى زاڭسىز تاسىمالداعان قىلمىستىق توپ مۇشەلەرى سوتتالدى، دەپ حابارلايدى Egemen.kz.

جىل سايىن تەمەكى ونىمدەرىنىڭ «قارا نارىعىنا» ونداعان ميلليارد تەمەكى تاسىمالدانادى. مىسالى، تەك وتكەن جىلى قازاقستانعا 1،2 ملرد استام تەڭگەگە 7،9 ملن استام تەمەكى قورابى زاڭسىز تاسىمالدانعان.

كونتراباندا تەمەكى ونىمدەرىنە سالىق سالۋ جۇيەسىنە نۇقسان كەلتىرىپ، تەمەكى شەگۋدى جاستارعا قول جەتىمدى ەتۋ ارقىلى قوعامعا ايتارلىقتاي زيان كەلتىرەدى.

تەمەكى ونىمدەرىنىڭ كونترابانداسىنان تۇسەتىن كىرىستەردى كوبىنە قىلمىستىق جانە تەرروريستىك توپتار يەلەندى.

ماڭعىستاۋ وبلىسى بويىنشا ەكونوميكالىق تەرگەپ-تەكسەرۋ دەپارتامەنتى يراننان قازاقستان اۋماعىنا تەمەكىنىڭ ەكونوميكالىق كونترابانداسىن ىسكە اسىرعان قىلمىستىق توپ قىزمەتىنىڭ جولىن كەستى.

تەرگەۋ بارىسىندا اقتاۋ قالالىق «مورپورت» كەدەن بەكەتى باسشىسىنىڭ قولداۋىمەن يراننان كەراميكالىق پليتكالار مەن تومات پاستاسى تۇرىندە 30 كونتەينەر تەمەكى زاڭسىز تاسىمالدانعانى انىقتالدى.

تەمەكىنىڭ زاڭسىز كونترابانداسىنا كومەك كورسەتۋ ءۇشىن ۇقت مۇشەلەرى اقشالاي سىياقى ۇسىنعان.

تاركىلەنگەن تەمەكىنىڭ كەدەندىك قۇنى – 1،7 ملرد تەڭگەدەن استام، كەدەندىك تولەمدەر مەن سالىقتار – 4،8 ملرد تەڭگەنى قۇرادى.

باستى ۇيىمداستىرۋشى جانە لاۋازىمدى تۇلعا – 10 جىلعا، قۇقىققا قارسى قىزمەتتىڭ ءۇش سىبايلاسى 5 جىلعا سوتتالدى.

سوڭعى جاڭالىقتار

ۇقساس جاڭالىقتار