ايماقتار • 17 ماۋسىم، 2021

اقتوبە قالاسى اكىمىنىڭ ورىنباسارى جەمقورلىعى ءۇشىن سوتتالدى

16 رەت كورسەتىلدى

اقتوبە قالاسى اكىمىنىڭ ورىنباسارى جانگەلدى اۋباكىروۆ جانە قالالىق تۇرعىن ءۇي-كوممۋنالدىق شارۋاشىلىق ءبولىمى باسشىسىنىڭ مىندەتىن اتقارۋشى نۇرلان دوسوۆ 7 جىلعا باس بوستاندىعىنان ايىرىلدى، دەپ حابارلايدى Egemen.kz.

اقتوبە قالالىق № 2 سوتىندا قالا اكىمىنىڭ ورىنباسارى جانگەلدى اۋباكىروۆ، قالالىق تۇرعىن ءۇي-كوممۋنالدىق شارۋاشىلىق ءبولىمى باسشىسىنىڭ مىندەتىن اتقارۋشى نۇرلان دوسوۆ، مەردىگەر مەكەمە باسشىسى س.جاناسباەۆ، باس ەسەپشى د.دۇيسەمبي، جەكە كاسىپكەر ن.مۇستافينگە قاتىستى قىلمىستىق ءىستى قارادى.

ولارعا قىلمىستىق كودەكستىڭ «بيلiكتi نەمەسە لاۋازىمدىق وكiلەتتiكتەردى اسىرا پايدالانۋ» بابى بويىنشا ايىپ تاعىلدى.

ءىس ماتەريالىنا سۇيەنسەك، 2019 جىلى قاراشا ايىندا اقتوبە قالاسى اكىمىنىڭ ورىنباسارى ج.ابۋباكىروۆ جانە قالالىق تۇرعىن ءۇي-كوممۋنالدىق شارۋاشىلىق ءبولىمى باسشىسىنىڭ مىندەتىن اتقارۋشى نۇرلان دوسوۆقا ءوزى تاڭداپ العان «كدس-استانا» جشس-مەن قالانى جاڭا جىلدىق بەزەندىرۋگە مەملەكەتتىك ساتىپ الۋ تۋرالى شارت جاساۋعا جانە ورىندالعان جۇمىس اكتىسىنە قول قويۋعا نۇسقاۋ بەرگەن.

دوسوۆ زاڭسىز نۇسقاۋلاردى ورىنداپ، سەرىكتەستىك شوتىنا 100 ملن تەڭگە اۋدارعان.

«كدس-استانا» جشس باسشىسى س.جاناسباەۆ پەن باس بۋحگالتەرى د.دۇيسەمبي ءوز تاراپىنان دوسوۆقا شارتقا جانە ورىندالعان جۇمىستار اكتىسىنە قول قويۋعا جاردەمدەسكەن.

قارجىنى قولما-قول اقشاعا اينالدىرۋ ماقساتىندا س.جاناسباەۆ «مۋستافين ن.ك» جەكە كاسىپكەرىمەن بىرگە قالانى بەزەندىرۋ ءۇشىن تاۋار جەتكىزۋگە شارت جاساپ، 60 ملن تەڭگە اۋدارعان.

تاۋار جەتكىزىلمەگەن. قىلمىس سالدارىنان مەملەكەتكە 90 426 475 تەڭگە زالال كەلدى.

«سوت ن.دوسوۆ پەن ج.ابۋباكىروۆتىڭ كاسىبي انتتى بۇزۋىن جازاسىن اۋىرلاتاتىن ءمان-جاي رەتىندە تانىدى. جاناسباەۆ، دۇيسەمبي جانە مۇستافينگە قاتىستى ايىپتاۋ اكتىسىندە اۋىرلاتاتىن ءمان-جايلار كورسەتىلمەگەن. سوت ءوز باستاماسى بويىنشا ولاردى انىقتاۋعا قۇقىلى ەمەس. زاڭنىڭ ايتىلعان تالاپتارىن نەگىزگە الا وتىرىپ، كەلگەن زياننىڭ وتەلمەگەنىن ەسكەرىپ، سوت دوسوۆ پەن ابۋباكىروۆتى 7 جىلعا، جاناسباەۆ پەن ءمۇستافيندى 5 جىلعا باس بوستاندىعىنان ايىرۋ جازاسىن تاعايىندادى. دۇيسەمبيگە 6 جىلعا باس بوستاندىعىنان ايىرۋ جازاسىن تاعايىندادى. ونىڭ جاس بالاسى بولۋىنا بايلانىستى جازاسىن وتەۋدى 5 جىلعا كەيىنگە قالدىردى. ۇكىم زاڭدى كۇشىنە ەنگەن جوق»، دەدى اقتوبە قالالىق № 2 سوتىنىڭ ءباسپاسوز قىزمەتى.

سوڭعى جاڭالىقتار

تسيفرلى تەڭگە جوباسى تالقىلاندى

ەكونوميكا • بۇگىن، 23:50

اقپاراتتىق حابارلاما

ەگەمەن قازاقستان • بۇگىن، 19:00

پاۆلوداردا جۇمىسشىنى توك سوقتى

ايماقتار • بۇگىن، 11:47

دوللار تاعى دا ارزاندادى

ەكونوميكا • بۇگىن، 11:06

ۇقساس جاڭالىقتار