قازاقستان • 17 ماۋسىم، 2021

ەلورداعا جاڭا ارحيۆ قويماسىن سالۋ كەرەك – مينيستر

42 رەت كورسەتىلدى

ەلوردادا 10 ملن ارحيۆ قۇجاتىن ساقتايتىن قويما سالۋ كەرەك. بۇل تۋرالى قر پرەزيدەنتى جانىنداعى ادام قۇقىقتارى جونىندەگى كوميسسيا وتىرىسىندا مادەنيەت جانە سپورت ءمينيسترى اقتوتى رايىمقۇلوۆا ايتتى، دەپ حابارلايدى Egemen.kz.

«نۇر-سۇلتان قالاسىندا قر ۇلتتىق ءارحيۆىنىڭ ارحيۆ قۇجاتتارىن، سونداي-اق مەملەكەتتىك ساقتاندىرۋ قورى قۇجاتتارىنىڭ كوشىرمەلەرىن ساقتاۋدى جۇزەگە اسىراتىن، 10 ملن قۇجات ساقتاۋعا ارنالعان جەكە ارحيۆ قويماسىن سالۋ ماسەلەسى قاراۋدى تالاپ ەتەدى»، دەدى ول.

ءمينيستردىڭ ايتۋىنشا، ارحيۆتەردىڭ جۇكتەلۋ پروبلەماسىن شەشۋ ماقساتىندا مادەنيەت جانە سپورت مينيسترلىگى 2020 جىلعى جەلتوقساندا قۇرىلىس جانە تۇرعىن ءۇي-كوممۋنالدىق شارۋاشىلىق كوميتەتىنە 200، 500 مىڭ، 1 ملن جانە 1،5 ملن ساقتاۋ بىرلىگىنە ارنالعان مەملەكەتتىك ارحيۆتىك ۇلگىلىك عيماراتتارىنىڭ جوبالىق-سمەتالىق قۇجاتتاماسىن ازىرلەۋگە ءوتىنىم بەرگەن.

ء«وز كەزەگىندە يندۋستريا جانە ينفراقۇرىلىمدىق دامۋ مينيسترلىگى 2021 جىلعى 11 ناۋرىزدا مادەنيەت جانە سپورت مينيسترلىگىنىڭ ءوتىنىمى نەگىزىندە مەملەكەتتىك ارحيۆتەر عيماراتتارىنىڭ ۇلگىلىك جوبالارىن ازىرلەۋ ءۇشىن 2022-2024 جىلدارعا ارنالعان بيۋدجەتتىك ءوتىنىم قالىپتاستىردى. رەسپۋبليكالىق بيۋدجەتتىك كوميسسيا ءوتىنىمدى ماقۇلداعان جاعدايدا يندۋستريا جانە ينفراقۇرىلىمدىق دامۋ مينيسترلىگى 2022 جىلى زاڭنىڭ بەلگىلەنگەن تالاپتارىنا سايكەس ارحيۆ عيماراتىنىڭ ۇلگىلىك جوبالارىن ازىرلەۋگە دايىن»، دەدى اقتوتى رايىمقۇلوۆا.

 

 

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار