قازاقستان • 17 ماۋسىم، 2021

اقتوتى رايىمقۇلوۆا ەلىمىزدە 353 مادەنيەت نىسانى جەتىسپەيتىنىن ايتتى

12 رەت كورسەتىلدى

ەلىمىزدە 353 مادەنيەت نىسانى جەتىسپەيدى. بۇل تۋرالى قر پرەزيدەنتى جانىنداعى ادام قۇقىقتارى جونىندەگى كوميسسيا وتىرىسىندا مادەنيەت جانە سپورت ءمينيسترى اقتوتى رايىمقۇلوۆا ايتتى، دەپ حابارلايدى Egemen.kz.

«جەرگىلىكتى اتقارۋشى ورگانداردىڭ اقپاراتىنا سايكەس، بۇگىندە رەسپۋبليكا وڭىرلەرىندە 353 مادەنيەت نىسانى، ونىڭ ىشىندە 127 مادەنيەت ءۇيى، 113 كىتاپحانا، 85 اۋىلدىق كلۋب، 10 تەاتر، 8 مۋزەي، 2 كونتسەرت زالى جانە 2 مادەني-دەمالىس ۇيىمدارى جەتىسپەيدى. سونىمەن قاتار جۇرگىزىلگەن تالداۋ مادەنيەت نىساندارىن وڭتايلاندىرۋعا بايلانىستى جەرگىلىكتى اتقارۋشى ورگاندار تاراپىنان مادەنيەت سالاسىنداعى عيماراتتاردى قىسقارتۋ ءۇردىسى ءجۇرىپ جاتقانىن كورسەتەدى»، دەدى مينيستر.

ءمينيستردىڭ ايتۋىنشا، وڭىرلەردە مادەنيەت ۇيىمدارىن جاپپاي بىرىكتىرۋ/قوسۋ بويىنشا تاجىريبە بارلىق جەردە قولدانىلادى. سول ارقىلى تۇرعىنداردىڭ مادەني قۇندىلىقتارعا قولجەتىمدىلىگى، اسىرەسە مونوقالالار مەن اۋىلدىق جەرلەردە شەكتەلىپ وتىر.

«جەرگىلىكتى اتقارۋشى ورگاندارعا تۇرعىندارعا مادەنيەت ۇيىمدارىنىڭ، اسىرەسە اۋىلداعى قىزمەتتەرىنە ەڭ از قولجەتىمدىلىكتى قامتاماسىز ەتۋ ماقساتىندا مونوقالالارداعى، اۋداندىق جانە اۋىلدىق دەڭگەيدەگى مادەنيەت ۇيىمدارى جەلىسىنىڭ ەڭ تومەنگى مەملەكەتتىك نورماتيۆتەرىن ساقتاۋ ۇسىنىلادى. ءوز كەزەگىندە، مادەنيەت ۇيىمدارىنىڭ قىزمەتتەرىنە تەڭ قولجەتىمدىلىكتى قامتاماسىز ەتۋ جاستار تۇلعاسىنىڭ دامۋىنا وڭ اسەرىن تيگىزەدى. بالالار مەن جاسوسپىرىمدەردىڭ الەۋمەتتەنۋى مەن شىعارماشىلىق الەۋەتىن دامىتۋدى قامتاماسىز ەتەدى»، دەدى اقتوتى رايىمقۇلوۆا.

 

 

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار