مەديتسينا • 17 ماۋسىم، 2021

دەنساۋلىق ساقتاۋ سالاسىن تسيفرلاندىرۋ دارىگەرلەردىڭ جۇمىسىن جەڭىلدەتكەن جوق – دەپۋتات

7 رەت كورسەتىلدى

ءماجىلىس دەپۋتاتى گۇلدارا نۇرىموۆانىڭ مالىمدەۋىنشە، دارىگەرلەر مەن مەيىربيكەلەر قۇجات تولتىرۋدىڭ ماشاقاتىنان قۇتىلا الماي ءجۇر. بۇل تۋرالى دەنساۋلىق ساقتاۋ جۇيەسىن تسيفرلاندىرۋ ماسەلەسىنە ارنالعان جيىندا ايتىلدى، دەپ حابارلايدى Egemen.kz.

«ەكىنشى جىل قاتارىنان دەنساۋلىق ساقتاۋ سالاسى پاندەميا جاعدايىندا اۋقىمدى جۇكتەمەمەن جۇمىس ىستەپ جاتىر جانە ەكىنشى جاعىنان، دەنساۋلىق ساقتاۋداعى تسيفرلاندىرۋدى قالىپتاستىرۋدىڭ كۇردەلى كەزەڭىن باستان كەشۋدە. دەنساۋلىق ساقتاۋدى تسيفرلاندىرۋ دارىگەرلەردىڭ ەڭبەگىن جەڭىلدەتكەن جوق. كەرىسىنشە، دارىگەر مەن مەدبيكەنىڭ جۇمىسى كۇردەلەنە ءتۇستى.

ءبىز «Nur Otan» فراكتسياسىنىڭ دەپۋتاتتار توبى بيىلعى 2 ماۋسىمدا پاتسيەنت قابىلداۋدا پراكتيكالىق دارىگەردىڭ قالاي جۇمىس ىستەيتىنىنە، ءوز جۇمىسىندا ناقتى قانداي پروبلەمالار بولاتىنىنا كوز جەتكىزۋ ءۇشىن نۇر-سۇلتان قالاسىنىڭ №5 قالالىق ەمحاناسىنا باردىق.

كەزدەسۋ دەنساۋلىق ساقتاۋ مينيسترلىگى، رەسپۋبليكالىق ەلەكتروندىق دەنساۋلىق ساقتاۋ ورتالىعى، دامۋمەد، سالالىق كاسىپوداق وكىلدەرىنىڭ قاتىسۋىمەن ۇيىمداستىرىلدى. ناۋقاستى قابىلداۋدىڭ جالپى تاجىريبەلىك دارىگەردىڭ بارلىق ماسەلەلەرىن كەزەڭ-كەزەڭىمەن تالدادىق»، دەدى دەپۋتات ءماجىلىستىڭ الەۋمەتتىك-مادەني دامۋ كوميتەتىندە وتكەن دوڭگەلەك ۇستەلدە.

ونىڭ ايتۋىنشا، №626 بۇيرىققا سايكەس بارلىق اۋرۋلار تەگىن مەديتسينالىق كومەكتىڭ كەپىلدىك بەرىلگەن كولەمى (اۋرۋلاردىڭ 25 توبى جانە الەۋمەتتىك ماڭىزى بار اۋرۋلار: تۋبەركۋلەز، ونكولوگيا، پسيحيكالىق جانە جۇقپالى اۋرۋلار، قانت ديابەتى) جانە مەملەكەتتىك-الەۋمەتتىك مەديتسينالىق ساقتاندىرۋ بولىپ بولىنەدى.

«قارجىلاندىرۋ كوزىنە (تمككك نەمەسە ءمامس) سايكەس قاجەتتى اۋرۋ كودىن، قاجەتتى قىزمەتتەردى تابۋ جانە جولداماعا دۇرىس ەنگىزۋ ءۇشىن دارىگەرگە قانشا ۋاقىت قاجەت ەكەنىن ەلەستەتىپ كورىڭىز. مىندەتتى مەديتسينالىق دەنساۋلىق ساقتاۋ قورىنىڭ ءاربىر مەديتسينالىق ۇيىمىنا ازىرلەنىپ، تۇسىرىلەتىن ەكى دەرەككوز (تمككك جانە ءمامس) بويىنشا اي سايىنعى قارجىلاندىرۋ جوسپارى بولعاندىقتان، دارىگەر اسىرا ورىنداماۋ ءۇشىن قولدا بار جوسپاردى ورىنداۋعا ءماجبۇر. قارجىلاندىرۋدىڭ وسىنداي كۇردەلى بولىنۋىمەن شاتاسۋلار بولادى، قاتە جىبەرىلەدى»، دەيدى گ. نۇرىموۆا.

ونىڭ ايتۋىنشا، قازاقستان بويىنشا مەديتسينالىق اقپاراتتىق جۇيەنىڭ نەگىزگى جەتكىزۋشىسى دامۋمەدتى مونوپوليست دەپ اتاۋعا بولادى، ونىڭ جۇمىسىندا كوپتەگەن ماسەلەلەر بار.

«دامۋ ءدارى-دارمەكپەن قامتاماسىز ەتۋدىڭ ينتەگراتسيالانعان جۇيەسى پورتالىمەن جانە فەرتيلدى جاستاعى ايەلدەر پورتالىمەن جانە جۇكتى ايەلدەر تىركەلىمىمەن ينتەگراتسيالانبايدى. دارىگەر دەرەكتەردى دامۋمەدكە ەنگىزەدى جانە بارلىق تەكسەرۋ دەرەكتەرى مەن ناتيجەلەرىن فەرتيلدى جاستاعى ايەلدەر، دارىلىك قامتۋ اقپاراتتىق جۇيەسى پورتالىنا قايتا ەنگىزۋگە ءماجبۇر بولادى. مەديتسينالىق اقپاراتتىق جۇيە ازىرلەۋشىلەرى وڭىرلەردەگى جالعىز جەتكىزۋشىلەر رەتىندە ءىس جۇزىندە باستاپقى مەديتسينالىق سانيتارلىق كومەككە پلاتفورمادا قالاي جۇمىس ىستەۋدى تالاپ ەتەدى، الگوريتمدەردى ايقىندايدى.

ماج ازىرلەۋشىسى مەديتسينا قىزمەتكەرلەرىمەن تىكەلەي جۇمىس ىستەيتىن مەنەدجەرلەردى كەڭەيتۋگە مۇددەلى ەمەس. بارلىق ستاتيستيكا-ەسەپ بەرۋ ءالى كۇنگە دەيىن دەنساۋلىق ساقتاۋدى دامىتۋ ورتالىعىنىڭ ەسكى فورمالارى بويىنشا تاپسىرىلادى. ەسەپ بەرۋدىڭ جاڭا فورمالارى جوق. بارلىق ەسەپ قولمەن جاسالادى»، دەدى دەپۋتات.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار