قىرعىز رەسپۋبليكاسىنىڭ ۆەتەريناريالىق جانە فيتوسانيتاريالىق قاۋىپسىزدىك جونىندەگى مەملەكەتتىك ينسپەكتسياسى قر اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ قازاقستانداعى جوعارى پاتوگەندى قۇس تۇماۋىن وقشاۋلاۋ بويىنشا, سونداي-اق جوعارى پاتوگەندى قۇس تۇماۋى بويىنشا ەپيزووتيالىق جاعدايدى تۇراقتاندىرۋ بويىنشا قابىلدانعان شارالارى تۋرالى بەرگەن اقپاراتتارىنىڭ نەگىزىندە 2021 جىلعى 14 ماۋسىمداعى № 8 قاۋلىسىمەن بۇرىن ەنگىزىلگەن شەكتەۋلەر جويىلدى.
«قاۋلى ماتىنىنە سايكەس قىرعىزستان اۋماعىنا ەلىمىزدىڭ اقمولا, الماتى (قاراساي اۋدانى), قاراعاندى, قوستاناي, پاۆلودار جانە سولتۇستىك قازاقستان وبلىستارىنان قۇس جانە قۇس شارۋاشىلىعى ونىمدەرىن اكەلۋگە قايتادان رۇقسات ەتىلدى», دەلىنگەن قر اۋىل شارۋاشىلىعى مينيسترلىگىنىڭ ءباسپاسوز قىزمەتى تاراتقان اقپاراتتا.
